Ajit Pawar Vs Ekanth Shinde : ठाण्यातील कळवा येथे छत्रपती शिवाजी महाराज हॉस्पिटलमध्ये एका दिवसात १८ रुग्णांचा मृत्यू झाला होता. एकनाथ शिंदे यांच्या बालेकिल्लात घडलेल्या या घटनेमुळे उपमुख्यमंत्री अजित पवार यांनी मुख्यमंत्र्यांना जाब विचारण्याचे वृत्त 'साम' वृत्तवाहिनीने प्रकाशित केले आहे.

अधिक माहिती अशी की, ठाण्यातील कळवा येथे छत्रपती शिवाजी महाराज हॉस्पिटलमध्ये एका दिवसात १८ रुग्णांचा मृत्यू झाला होता. एकनाथ शिंदे यांच्या बालेकिल्लात घडलेल्या या घटनेमुळे उपमुख्यमंत्री अजित पवार यांनी जाब विचारण्याचे वृत्त 'साम' वृत्तवाहिनीने प्रकाशित केले आहे.

या दोघांमध्ये वादाची ठिणगी पडताच उपमुख्यमंत्री फडणवीस यांनी मध्यस्थी करून विषय थांबवल्याचे यावेळी वृत्तांत म्हटले आहे.

शुक्रवारी मंत्र्यांची एक खाजगी बैठक पार पडली. यावेळी सर्वच मंत्री उपस्थित होते. राज्यातील विविध प्रश्न, योजना व निर्णयावर या ठिकाणी चर्चा झाली. यावेळी ठाण्यातील कळवा येथील मृत्यूंचा मुद्दा अजित पवार यांनी उपस्थित केला. तुमच्या ठाण्यात एवढे मृत्यू कसे? असा प्रश्न उपमुख्यमंत्री अजित पवार यांनी थेट मुख्यमंत्री एकनाथ शिंदे यांनाच विचारला.

मात्र एकनाथ शिंदे यांनी देखील रुग्णांचा मृत्यू कसा झाला? किती रुग्णांची प्रकृती कशी गंभीर होती, शेवटच्या क्षणी रुग्णालयात किती रुग्ण आले? रुग्णालयावर येणारा ताण आदीची माहितीही शिंदे यांनी अजितदादांना दिली.

या बैठकीला उपमुख्यमंत्री देवेंद्र फडणवीस उपस्थित होते. वाद वाढण्याची आणि बैठकीत शाब्दिक चकमक होण्याची शक्यता लक्षात आल्यानंतर फडणवीस यांनीच मध्यस्थी केली. आणि वेगळा विषय काढून ठाण्याच्या विषयाला बगल दिली. असे वृत्त साम ने प्रकाशित केले आहे.

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारला पाठिंबा देत अजित पवार यांनी उपमुख्यमंत्री पदाची शपथ घेतली. त्यांच्यासोबत इतर काही मंत्र्यांनी देखील शपथ घेतली. या शपथविधीनंतर या सरकारमध्ये सर्वच आलबेल असल्याचे पाहायला मिळत होते. मात्र आता मुख्यमंत्री एकनाथ शिंदे आणि उपमुख्यमंत्री अजित पवार यांच्यात वादाची ठिणगी पडल्याचे वृत्त 'साम' वृत्तवाहिनीने प्रकाशित केले आहे.