मुंबई : महाराष्ट्र लोकसेवा आयोगाच्या (MPSC) कारभाराबाबत अयोग्य भाषा वापरणाऱ्या उमेदवारांविरोधात आयोगाकडून कारवाईचा बडगा उगारण्यात आला आहे. आयोगाच्या कार्यशैलीबाबत असभ्य, असंस्कृत आणि असंसदीय वक्तव्य करणाऱ्या उमेदवारांच्या विरोधात काही कालावधीसाठी किंवा कायमस्वरूपी परीक्षेला (MPSC Exam) बसण्यास मज्जाव करण्यात येईल, असा इशारा आयोगाकडून प्रसिद्ध करण्यात आलेल्या पत्रकातून देण्यात आला आहे. आयोगाच्या स्वतःच्या अधिकारांचा वापर करून अशा उमेदवारांना परीक्षा देण्यापासून देखील वंचित ठेवण्यात येईल असेदेखील पत्रकात नमूद करण्यात आले आहे. (MPSC Warning To Student )

आयोगाच्या कार्यशैलीबाबत अयोग्य भाषा वापरणाऱ्या उमेदवारांना हा इशारा देण्यात आला असून, आयोगाकडून राबवल्या जात असलेल्या भरती प्रक्रियांबाबत अनेकदा प्रसारमाध्यमे, समाज माध्यमे आणि सार्वजनिक ठिकाणी उमेदवारांकडून असंस्कृत, असभ्य भाषेचा वापर केला जात असल्याचे आयोगाचे म्हणणे आहे. त्यामुळे आयोगाच्या कार्यशैलीबाबत असभ्य, असंस्कृत आणि असंसदीय असे वक्तव्य करणाऱ्या उमेदवारांविरोधात काही कालावधीसाठी किंवा कायमस्वरूपी परीक्षेला बसण्यास मज्जाव केले जाईल, असे आयोगाकडून स्पष्ट करण्यात आले आहे. काही दिवसांपूर्वी देखील आयोगाने असभ्य भाषा वापरणाऱ्या उमेदवारांना कारवाईचा इशारा दिला होता. (MPSC Letter )

दरम्यान, आयोगाच्या या भूमीकेवर परिक्षा देणाऱ्या अनेक विद्यार्थांकडून संताप व्यक्त केला जात आहे. कोरोनाचा वाढत्या प्रकोपामुळे मागील दोन वर्षांपासून परिक्षा घेण्यात आलेल्या नाही. त्यामुळे अनेक विद्यार्थांचे (MPSC Student) नुकसान झाले आहे. दरवर्षी महाराष्ट्रात 18 ते 20 लाख विद्यार्थी एमपीएससी परिक्षा देत असतात. मात्र, गेल्या दोन वर्षात या परिक्षा घेण्यात आलेल्या नाही त्यामुळे लाखो विद्यार्थांचे भविष्य (Student Future) अडचणीत सापडले आहे. दरम्यान, आयोगाकडून जाहीर करण्यात आलेल्या पत्रामुळे विद्यार्थांमध्ये संतापाची लाट असून यावर अनेकांनी नाराजी व्यक्त केली आहे. (MPSC Latest Marathi News)