सोलापूर : नवीन वर्षाच्या पूर्वसंध्येला अनेकजण ३१ डिसेंबरच्या रात्री फटाके वाजवून, मित्रांसमवेत पार्ट्या करून सरत्या वर्षाला निरोप अन् नवीन वर्षाचे स्वागत करतात. या पार्श्वभूमीवर जिल्ह्यातील अवैध हातभट्ट्या पुन्हा पेटल्याचे चित्र आहे. ग्रामीण पोलिसांकडून व राज्य उत्पादन शुल्क विभागाकडून हातभट्टीमुक्त गाव, ऑपरेशन परिवर्तन राबविले जात असताना देखील जिल्ह्यातील शेकडो गावांमध्ये आजही अवैध हातभट्टी दारूची खुलेआम विक्री होत असल्याची वस्तुस्थिती आहे.
सोलापूर शहरात दरवर्षी शेकडो लोकांचा मृत्यू मद्यपान करून लिव्हर (यकृत) खराब होऊन होतो, अशी धक्कादायक माहिती महापालिकेच्या आरोग्य विभागाकडे आहे. जिल्हा परिषदेच्या आरोग्य यंत्रणेकडील आकडेवारी देखील अशीच आहे. गावागावांत खुलेआम हातभट्टी विक्री सुरु असून त्यासंदर्भात स्थानिक पोलिस ठाण्यांकडे अनेक निवेदने देखील प्राप्त आहेत. निवेदन दिल्यानंतर किंवा कोणीतरी माहिती दिल्यावर तेवढीच कारवाई होते, पुन्हा त्याकडे गांभीर्याने पाहिले जात नाही.
हातभट्टीच्या अड्ड्यांवर दोन दिवसातून एकदा धाडी टाकायच्या, या अवैध व्यवसायातील लोकांना पर्यायी रोजगाराकडे वळवून त्यांचे परिवर्तन करायचे असे हे ग्रामीण पोलिसांचे ‘ऑपरेशन परिवर्तन’ कागदावरच असल्याची सद्य:स्थिती आहे. कारवाईत सातत्य नसल्याने हातभट्ट्या पुन्हा पेटल्याचे बोलले जात आहे. नववर्षाच्या पार्श्वभूमीवर आता दोन्ही विभागांकडून त्या हातभट्ट्यांवर ठोस कारवाई होणार का?, असा प्रश्न गावागावातील माता-भगिनी विचारू लागल्या आहेत.
गावागावात लाडक्या बहिणींचा वाढला छळ
राज्य उत्पादन शुल्क विभाग असो की ग्रामीण पोलिस अधूनमधून अवैध दारुनिर्मितीच्या हातभट्ट्यांवर छापे टाकतात. तेथील हजारो लिटर गुळमिश्रित रसायन नष्ट करतात. पण, त्याठिकाणची दारू गावागावांत पोचतेच कशी, या प्रश्नाचे उत्तर अजूनपर्यंत नागरिकांना सापडले नाही. अनेक मद्यपी दारू पिऊन घरी गेल्यावर पत्नीसोबत, मुलांसमेवत भांडणे करतात. त्यासंदर्भातील अनेक तक्रारी देखील पोलिसांत येतात. तरीसुद्धा अवैध हातभट्टीची वाहतूक व निर्मिती कायमची बंद होऊ शकलेली नाही, हे विशेष.
पोलिस अन् ‘एक्साईज’कडे डेटा, तरीपण...
जिल्ह्यातील कोणत्या तांड्यांवर, गावांच्या हद्दीत हातभट्टी तयार केली जाते, कोणत्या गावांमध्ये त्या दारुची विक्री होते, याचा संपूर्ण डेटा (माहिती) राज्य उत्पादन शुल्क व ग्रामीण पोलिसांकडे आहे. तरीही, ना हातभट्टीची निर्मिती बंद झाली ना त्या गावांमधील अवैध विक्री बंद झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.