Latest Marathi News Updates : जयशंकर यांनी सिंगापूर दौऱ्यात विवान बालकृष्ण यांची भेट घेतली, दोन्ही नेत्यांमध्ये आर्थिक संबंधावर चर्चा

परराष्ट्र मंत्री @DrSJaishankar यांनी सिंगापूर दौऱ्यात सिंगापूरचे परराष्ट्र व्यवहार मंत्री VivianBalakrishnan यांची भेट घेतली. दोन्ही नेत्यांमध्ये धोरणात्मक भागीदारी, प्रादेशिक सहकार्य आणि आर्थिक संबंध यावरचर्चा झाली. .खासदार बजरंग सोनवणे यांच्या समर्थकांनी चक्क हॉटेलमध्ये बंदुकीसोबत फोटोसेशन केलं आणि ते फोटो व्हॉट्सअॅप स्टेटसवर टाकून मिरवले. मात्र, हे ‘शो ऑफ’ चांगलंच अंगलट आलं. या प्रकाराची माहिती पोलिसांना मिळताच तात्काळ कारवाई करत चार जणांविरोधात केज पोलीस ठाण्यात गुन्हा दाखल करण्यात आला. गणेश मुंडे, रामदास मुंडे, पांडुरंग मुंडे, रामचंद्र ओमासे असे या आरोपीचे नावं आहेत. याप्रकरणी हॉटेलमधील सीसीटीव्ही फुटेज, फोटो, आणि मोबाईल डिटेल्सच्या आधारे तपास सुरू आहे. चारही आरोपींवर याआधी देखील सावकारी, जीवे मारण्याचा प्रयत्न असे गंभीर गुन्हे आहेत. या चारही आरोपींचा पोलिस शोध घेत आहेत..राज्यसभेसाठी नामनिर्देशित झाल्यानंतर विशेष सरकारी वकील उज्ज्वल निकम म्हणाले,माझी राज्यसभेसाठी नामनिर्देशन केल्याबद्दल मी राष्ट्रपती द्रौपदी मुर्मू यांचे आभार मानतो....'हिंजेवाडीत वाहतूक कोंडी होते, पावसाचे पाणी साचते, रस्त्यावर अतिक्रमण आहे अशा तक्रारी सतत येत होत्या. त्यानंतर आज मी या ठिकाणी पाहणी करण्यासाठी आलो आहे. यावेळी अधिकारीही उपस्थित होते. त्यांना काही सुचना दिल्या आहेत.' असं अजित पवार म्हणालेत..धाराशिवच्या परंडा तालुक्यातील दूध व्यवसायिकाच्या चार चाकी गाडीची काच फोडून गाडीत ठेवलेले 1 लाख 30 हजार रुपये घेऊन चोरट्यानी पळ काढलाय.तब्बल बारा किलोमीटरचा पाठलाग करत गाडीवर लक्ष ठेवून चिंचपुर येथील क्षत्रगुण रामा गरड या दूध व्यावसायिकाने शेतकऱ्यांच्या पगारी करण्यासाठी बँकेतून काढलेली रोकड चोरट्याने पळविल्याचे घटना सीसीटीव्ही कॅमेरात ही कैद झाली आहे.दिवसा ढवळ्या दूध व्यवसायिकाच्या पैशावर चोरट्याने मारलेल्या डल्ल्यामुळे परंडा पोलिसांच्या कार्यक्षमतेवर नागरिकांमधून प्रश्नचिन्ह उपस्थित केल जात आहे.याबाबत अंभी पोलीस ठाण्यात गुन्हा नोंद करण्यात आला असुन पोलिस तपास करत आहेत..एसटी महामंडळाला पांडुरंग पावला..अमरावती विभागाला 1कोटी 64 लाखांचे उत्पन्नअमरावती विभागातून 175 बसेस द्वारे 517 फेऱ्या सुखरूप पूर्ण3 ते 13 जुलै दरम्यान पंढरपूर साठी विशेष बसची करण्यात आली व्यवस्था..या दरम्यान हजारो एसटी कर्मचाऱ्यांना मोफत भोजनाची व्यवस्था देखील करण्यात आली.. .धामणगाव गढी येथील चेक पोस्टवर वाहतुकीचे नियोजन नसल्याने वाहतूक कोंडी...दर शनिवारी आणि रविवारी होत आहे मोठ्या प्रमाणात वाहतूक कोंडी..रविवार असल्याने पर्यटकांची चिखलदऱ्याला जाण्यासाठी मोठी गर्दी.मालवण येथील राजकोट किल्ल्यावरील छत्रपती शिवाजी महाराज यांच्या पुतळ्याच्या चबुतऱ्याच्या सभोवताली दुरुस्तीचे काम सध्या हाती घेण्यात आले आहे. दुरुस्ती होईपर्यंत राजकोट किल्ल्यावर जाण्यास पर्यटकांना बंदी घालण्यात आली आहे. मात्र तरीही शिवपुतळा पाहण्यासाठी त्याठिकाणी पर्यटक गर्दी करू लागले आहेत..कॅबिनेट मंत्री दत्तात्रय भरणे हे काय बोलून गेले...लाडकी बहीण सत्ताधाऱ्यांना नकोशी झाली काय?लाडक्या बहिणींमुळे विकास निधी येण्यास विलंब होतोय कॅबिनेट मंत्री दत्तात्रय भरणे यांचे इंदापुरात विधान...घरकुलाचा धनादेश वाटपात कार्यक्रमात केले विधान..याही अगोदर मंत्री दत्तात्रय भरणे यांनी लाडक्या बहिणींमुळे विकास निधी येण्यास विलंब होत असल्याचे केले होते विधान....नवी दिल्ली : ज्येष्ठ आणि अत्यंत अनुभवी सरकारी वकील अॅड. उज्ज्वल निकम (Adv. Ujjwal Nikam) यांची राज्यसभेसाठी राष्ट्रपती नामनिर्देशित खासदार म्हणून निवड करण्यात आली आहे.लंडन : पोलंडच्या २४ वर्षीय इगा स्विअतेकने अमेरिकेच्या अमांडा ॲनिसिमोवा हिचा अवघ्या ५७ मिनिटांत स्वतःचा एकही गेम न गमावताना ६-०, ६-० असा धुव्वा उडवला आणि प्रतिष्ठेच्या विम्बल्डन महिला एकेरीचे विजेतेपद थाटात मिळवले..मुंबई : उत्पादन शुल्कातील तब्बल ६० टक्के वाढ आणि भारतीय बनावटीच्या विदेशी मद्याच्या विक्रीवरील अतिरिक्त दहा टक्के कर तसेच वार्षिक परवाना शुल्कात पंधरा टक्के दरवाढीच्या विरोधात राज्यातील बारचालकांनी सोमवारी (ता. १४) बंदची घोषणा केली आहे. या बंदला ‘हॉटेल अँड रेस्टॉरंट असोसिएशन’ने (एचआरएडब्ल्यूआय) पाठिंबा जाहीर केला आहे. .कोल्हापूर : ए. एस. ट्रेडर्स कंपनीचा बेळगाव व कोल्हापूर कार्यक्षेत्र फ्रॅंचाइजीचा मुख्य एजंट महेश जयपाल घाडगे (वय ४७, रा. सोनतळी, जि. कोल्हापूर, मूळ गाव उगारखुर्द, ता. कागवाड, जिल्हा बेळगाव) याला येथील एका हॉटेलमध्ये अटक करण्यात आली. स्थानिक गुन्हे अन्वेषण शाखेने ही कारवाई केली. त्याला न्यायालयात हजर केले असता सोमवार (ता.१४) पर्यंत पोलिस कोठडी सुनावण्यात आल्याची माहिती गुन्हे शाखेचे निरीक्षक रवींद्र कळमकर यांनी दिली..कोल्हापूर : पेठवडगाव परिसरातील पैलवान गॅंगचा प्रमुख प्रवीण बाबू माने याच्यासह दहा जणांच्या संघटित गुन्हेगारी टोळीला एक वर्षासाठी जिल्ह्यातून हद्दपार करण्यात आले. या गॅंगविरोधात खुनाचा प्रयत्न करणारे तीन, खंडणी, मारामारी, अपहरण, जुगार, दारू, फसवणूक असे एकूण २७ गुन्हे दाखल आहेत. जिल्हा पोलिस अधीक्षक योगेशकुमार गुप्ता यांनी ही कारवाई केली आहे..बंगळूर : मंगळुरातील सुरतकल्ल येथील एमआरपीएल युनिटमध्ये हायड्रोजन सल्फाइड वायू गळतीमुळे दोन कामगारांचा मृत्यू झाला तर एक कामगार अत्यवस्थ झाला. ही घटना एमआरपीएलच्या ओएम अँड एस युनिटच्या स्टोरेज क्षेत्रात घडली. .बेळगाव : कन्नडसक्तीविरोधात सीमाभागातील मराठी बहुभाषिक मतदारसंघातून निवडून आलेल्या लोकप्रतिनिधींना भेटून चर्चा करण्याचा तसेच कन्नडसक्ती मागे न घेतल्यास रस्त्यावर उतरून आंदोलन करण्याचा इशारा महाराष्ट्र एकीकरण युवा समिती सीमाभागाच्या बैठकीत देण्यात आला आहे..बंगळूर : शिमोगाच्या सोगणे येथील मध्यवर्ती कारागृहातील कैद्याच्या पोटात मोबाईल फोन आढळला. मॅकगॅन रुग्णालयातील डॉक्टरांनी शस्त्रक्रिया करून मोबाईल फोन बाहेर काढला. कैदी दौलत खान ऊर्फ गुंडा (वय ३०) याच्या पोटात एक इंच रुंद आणि तीन इंच लांबीचा मोबाईल फोन आढळून आला. .मुंबई : महाराष्ट्र नवनिर्माण सेनेचे अध्यक्ष राज ठाकरे यांनी पक्षातील प्रमुख नेत्यांसह पदाधिकाऱ्यांना एका गोपनीय मोहिमेसाठी सोमवारी सकाळी बोलावले आहे. पक्षाचे नेते, विभाग आणि उपविभागप्रमुख यांना तयार राहण्याचे निर्देश देण्यात आले. सध्या ही गुप्त मोहीम केवळ मुंबईतील पदाधिकाऱ्यांसाठी आहे. दादर येथील मनसेचे मुख्यालय असलेल्या राजगड कार्यालयातून बसने नेऊन इगतपुरी येथील एका फार्महाउसवर शिबिर आयोजित केल्याची माहिती समोर येत आहे..नवी दिल्ली : ‘एक देश एक निवडणूक’साठी संयुक्त संसदीय समितीची पुढील बैठक ३० जुलैला शक्य आहे, अशी माहिती समितीचे अध्यक्ष पी. पी. चौधरी यांनी दिली. न्या. राजेंद्रमल लोढा आणि न्या. शरद अरविंद बोबडे यांना पुढील बैठकीत आपली मते मांडण्यासाठी बोलावले जाऊ शकते, असे चौधरी यांनी स्पष्ट केले. माजी सरन्यायाधीश जे. एस. खेहर आणि धनंजय चंद्रचूड यांनी शुक्रवारी झालेल्या समितीच्या आठव्या बैठकीदरम्यान सदस्यांशी संवाद साधला होता..Latest Marathi Live Updates 13 July 2025 : राष्ट्रवादी काँग्रेस- शरदचंद्र पवार पक्षामध्ये नेतृत्वाची भाकरी फिरण्याची चिन्हे असून प्रदेशाध्यक्ष जयंत पाटील यांनी प्रदेशाध्यक्षपदाचा राजीनामा दिला असल्याची चर्चा दिवसभर समाजमाध्यमांत सुरू होती. या पदावर आमदार शशिकांत शिंदे यांची वर्णी लागण्याची शक्यता आहे. तसेच विम्बल्डन ग्रँडस्लमच्या महिला एकेरीत शनिवारी पोलंडच्या इगा स्विअतेकने अमेरिकेच्या अमांडा ॲनिसिमोवा हिचा एकही गेम न गमावता ६-०, ६-० असा धुव्वा उडविला आणि विम्बल्डन महिला एकेरीचे विजेतेपद थाटात मिळविले. ऐतिहासिक दस्तऐवज, संशोधनपर कॉफी टेबल बुक आणि त्याच्या जोडीला तितकीच आक्रमक प्रचार मोहीम याबळावर राज्याचा शिववारसा असलेल्या बारा गड-कोटांचा ‘युनेस्को’च्या जागतिक वारसा नामांकन यादीमध्ये समावेश होऊ शकला. यासाठी भारताचे एक शिष्टमंडळ मागील अनेक दिवसांपासून कठोर परिश्रम घेत होते. महाराष्ट्र नवनिर्माण सेनेचे अध्यक्ष राज ठाकरे यांनी पक्षातील प्रमुख नेत्यांसह पदाधिकाऱ्यांना एका गोपनीय मोहिमेसाठी सोमवारी सकाळी बोलावले आहे. ‘एक देश एक निवडणूक’साठी संयुक्त संसदीय समितीची पुढील बैठक ३० जुलै रोजी होण्याची शक्यता आहे, अशी माहिती समितीचे अध्यक्ष पी. पी. चौधरी यांनी दिली. दोन्ही इंजिनांचा इंधन पुरवठा ठप्प झाल्यामुळे ‘एअर इंडिया’चे अहमदाबाद-लंडन (एआय-१७१ बोइंग-७८७) हे विमान अपघातग्रस्त झाल्याची माहिती विमान अपघात तपास विभागाच्या (एएआयबी) अहवालातून समोर आली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Live Update:जयशंकर यांनी सिंगापूर दौऱ्यात विवान बालकृष्ण यांची भेट घेतली, दोन्ही नेत्यांमध्ये आर्थिक संबंधावर चर्चा

Related Stories