Maharashtra Budget 2023 : राज्याच्या अर्थसंकल्पात आज उपमुख्यमंत्री तथा अर्थमंत्री देवेंद्र फडणवीस यांनी मोठ्या घोषणा केल्या आहेत. यात मोदी आवास घरकुल योजनेंतर्गत इतर मागासवर्गीयांसाठी 3 वर्षांत 10 लाख घरांची तरतूद करण्यात आलीये.

प्रधानमंत्री आवास योजनेंतर्गत : 4 लाख घरं बांधण्यात येणार आहेत. (2.5 लाख घरं अनुसूचित जाती-जमाती, 1.5 लाख इतर प्रवर्ग) तर, रमाई आवास योजनेंतर्गत 1.5 लाख घरं बांधली जाणार (25 हजार घरं मातंग समाजासाठी) असून यासाठी 1800 कोटींची तरतूद केली आहे.

शबरी, पारधी, आदिम आवास योजनेंतर्गत 1 लाख घरं बांधली जाणार असून 1200 कोटींची तरतूद केली आहे. याशिवाय, यशवंतराव चव्हाण मुक्त वसाहतीकरिता 50 हजार घरांसाठी 600 कोटींची तरतूद करण्यात आली आहे. (25 हजार घरं विमुक्त जाती-भटक्या जमातींसाठी, तर धनगरांसाठी 25 हजार घरं बांधली जाणार आहेत.)

इतर मागासवर्गीयांसाठी नवीन घरकुल योजना : मोदी आवास घरकुल योजना : 3 वर्षांत 10 लाख घरं बांधली जाणार असून 12,000 कोटींची तरतूद केली आहे.

योजनेत यावर्षी 3 लाख घरं बांधणार असून यासाठी 3600 कोटी तरतूद केली आहे.

• असंघटित कामगार, कारागिर, टॅक्सी-ऑटोचालक आणि दिव्यांगांसाठी अर्थसंकल्पात तरतूद करण्यात आली आहे.

• 3 कोटी असंघटित कामगारांसाठी महाराष्ट्र राज्य असंघटित कामगार कल्याण मंडळ, सामाजिक सुरक्षा, कल्याणकारी योजना राबविण्यात येणार आहे.

• ऑटोरिक्षा व टॅक्सी चालक-मालक कल्याणकारी महामंडळ स्थापन करण्यात येणार आहे.

• माती कारागिरीला आधुनिक तंत्रज्ञानाची जोड, संत शिरोमणी गोरोबा काका महाराष्ट्र मातीकला मंडळाला 25 कोटी देण्याची तरतूद केली आहे.