मुंबई- महाराष्ट्रातील कोरोना आकडेवारी (maharashtra Corona Update ) स्थिरतेकडे जाताना दिसत आहे. गेल्या 24 तासांत राज्यात 42 हजार 582 नव्या कोरोना रुग्णांची नोंद झाली आहे, तर 54 हजार 535 रुग्णांनी विषाणूवर मात केली आहे. राज्यात 24 तासांत 850 रुग्णांचा मृत्यू झाला आहे. आतापर्यंत महाराष्ट्रात 52 लाख 69 हजार 292 कोरोनाबाधित रुग्ण आढळले आहेत, तर 46 लाख 54 हजार 731 रुग्णांनी कोरोनाला हरवलं आहे. राज्यात आतापर्यंत 78 लाख 857 रुग्णांचा कोरोनामुळे मृत्यू झालाय. काही दिवसांपासून कोरोना रुग्णांची संख्या 50 हजारांपेक्षा कमी सापडत आहेत. राज्यात सध्या कोरोनाचे 5 लाख 33 हजार 294 सक्रिय रुग्ण आहेत. (maharashtra Corona Update patients health ministry rajesh tope)

आज दिवसभरात 54,535 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या  46,54,731 इतकी आहे.  यामुळे राज्यातील रुग्ण बरे होण्याचे प्रमाण वाढले असून ते 88.34 % एवढे झाले आहे.राज्यात मृतांचा आकडा पुन्हा एकदा वाढला असून आज 850 रुग्णांच्या मृत्यूची नोंद झाली. मुंबई मध्ये सर्वाधिक मृत्यूची नोंद झाली असून येथे 68 मृत्यू नोंदवण्यात आले. तर कल्याण डोंबिवली मनपा 52,बीड 62,नागपूर मनपा46 मृत्यू झाले.  मृत्यूचा दर 1.5 % इतका आहे.आज नोंद झालेल्या 850 मृत्यूंपैकी 409 मृत्यू हे मागील 48 तासातील तर 160 मृत्यू हे मागील आठवडयातील आहेत.तर 281 मृत्यू हे आठवड्यापेक्षा अधिक कालावधी पूर्वीचे आहेत. राज्यात आज रोजी एकूण 5,33,294 ॲक्टिव्ह रुग्ण आहेत.आजपर्यंत तपासण्यात आलेल्या 3,03,51,356 प्रयोगशाळा नमुन्यांपैकी 52,69,292 (17.36 टक्के) नमुने पॉझिटिव्ह आले आहेत. सध्या राज्यात 35,02,630 व्यक्ती होमक्वारंटाईनमध्ये आहेत तर 28,847 व्यक्ती संस्थात्मक क्वारंटाईनमध्ये आहेत.