नागपूर : केंद्रीय मंत्री नितीन गडकरी भाजपचे मोठे नेते आहेत. जेव्हा महाराष्ट्रातील लोकसभा उमेदवारांची यादी जाहीर होईल, तेव्हा त्यांचे नाव पहिल्या यादीत असेल, असे सांगून उपमुख्यमंत्री देवेंद्र फडणवीस यांनी विरोधकांना गडकरींची चिंता करण्याची गरज नाही, असा टोला लगावला.
भाजपने जाहीर केलेल्या लोकसभा उमेदवारांच्या पहिल्या यादीत नितीन गडकरी यांचे नाव नसल्याने माजी मुख्यमंत्री उद्धव ठाकरे यांच्यासह विरोधी पक्षांतील अनेक नेत्यांकडून भाजपवर टीका केली जात आहे.
अनेक जण त्यांचे तिकीट कापणार असल्याचाही दावा करीत आहेत. पहिल्या यादीत नाव नसल्याने गडकरी यांच्या उमेदवारीबाबत उलटसुलट चर्चा शहरात सुरू आहेत. मोदी-शहा यांच्या धक्कातंत्राच्या राजकारणामुळे अनेक जण गडकरी यांच्या उमेदवारीबाबत तर्कवितर्क लावत आहेत.
या पार्श्वभूमीवर फडणवीस नागपूरमध्ये म्हणाले, ‘‘उद्धव ठाकरे यांच्या पक्षाचा बँडबाजा वाजला आहे. त्यांनी गडकरींना ऑफर देणे म्हणजे गल्लीतील नेत्याने अमेरिकेच्या अध्यक्षपदाची ऑफर देण्याचा प्रकार आहे.
जागा वाटपासाठी थोडा वेळ थांबा. आम्ही सर्व अधिकृतपणे सांगणार आहोत. महायुतीत कोणीही नाराज नाही. आपल्या सहकाऱ्यांसाठी दावे हे करावेच लागतात. मेरिटनुसार व जिंकण्याची खात्री असलेल्यांना उमेदवारी देण्यात येणार आहे.’’
पुणे जिल्ह्यातील मावळमध्ये गोळीबार झाला होता तसेच नागपूरमध्ये काही वर्षांपूर्वी गोवारी समाजावरही गोळीबार झाला तेव्हा राज्यात कोणाचे सरकार होते, असा प्रश्न उपमुख्यमंत्री फडणवीस यांनी खासदार सुप्रिया सुळे यांना केला. सुळे विरोधी पक्षात आहेत म्हणून त्या टीका करतात. त्यांना गांभीर्याने घेण्याची गरज नाही, असेही देवेंद्र फडणवीस म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.