विधानपरिषदेच्या अकरा जागांसाठी आज (१२ जुलै) रोजी मतदान पार पडले, यावेळी २७४ सदस्यांनी यावेळी मतदानाचा अधिकार बजावला यानंतर थोड्याच वेळात निवडणुकीचे निकाल देखील समोर आले. या निवडणुकीत महाविकास आघाडीला मोठा धक्का बसला असून शेकापचे उमेदवार जयंत पाटील पराभूत झाले आहेत. या निवडणुकीमध्ये काँग्रेसचा एक, ठाकरे गटाचा एक आणि शिंदे गटाचे दोन तर भाजपचे चार उमेदवार हमखास निवडून येतील असे मानले जात होते.

विधान परिषद निवडणुकीतील विजयी उमेदवार

राष्ट्रवादी काँग्रेस (अजित पवार गट) - शिवाजीराव गर्जे, राजेश विटेकर

काँग्रेस - प्रज्ञा सातव

भाजप - योगेश टिळेकर, परिणय फुके, पंकजा मुंडे, अमित गोरखे , सदाभाऊ खोत

शिवसेना (शिंदे गट) - कृपाल तुमाने, भावना गवळी

शिवसेना (उद्धव ठाकरे गट) - मिलिंद नार्वेकर

या निवडणुकीसाठी सर्व राजकीय पक्षांनी जोरदार तयारी केली होती. घोडेबाजार टाळण्यासाठी सर्वच पक्षांकडून आपआपल्या आमदारांची 'फाइव्ह स्टार' हॉटेलमध्ये बडदास्त ठेवण्यात आली होती. भाजप, शिवसेना (शिंदे गट), राष्ट्रवादी काँग्रेस (अजित पवार गट) आणि शिवसेना (ठाकरे गट) या ४ पक्षांनी आपापले आमदार वेगवेगळ्या पंचतारांकित हॉटेलांत ठेवले होते. काँग्रेस पक्षाने देखील आपल्या पक्षातील आमदारांची पंचतारांकीत बडदास्त ठेवली होती.

कोणत्या पक्षाकडं किती मतं होती?

भाजप १०३ + अन्य ७ एकूण : ११०

५ अपक्ष (रवी राणा, प्रकाश आवाडे, विनोद अग्रवाल, महेश बालदी, राजेंद्र राऊत)

रत्नाकर गुट्टे (रासप) आणि विनय कोरे (जनसुराज्य)

शिवसेना (शिंदे गट) ३८ + ६ अपक्ष : एकूण : ४४

६ अपक्ष- आशिष जैस्वाल, मंजुळा गावित, राजेंद्र यड्रावकर, गीता जैन, नरेंद्र बोंडेकर आणि किशोर जोरगेवार

राष्ट्रवादी काँग्रेस (अजित पवार गट) ४० + २ अपक्ष : ४२