Mumbai Weather Update: राज्यात पावसाने चांगलाच जोर पकडला आहे. याचे कारण म्हणजे अनेक जिल्ह्यांमध्ये जारदार पाऊस सुरू झाला आहे. यामुळे हा पाऊसाचा जोर आज आजूनच वाढणार असल्याचा इशारा भारतीय हवामान खात्याने दिला आहे.

मुंबई सह ठाणे, पालघर आणि रायगड या जिल्ह्यांना भारतीय हवामान खात्याने ऑरेंज अलर्ट दर्शवीला आहे. तर पुण्याला पण ऑरेंज अलर्ट दिला आहे.या जिल्ह्यांमध्ये मुसळधार ते अतिमुसळधार पावसाची शक्यता वर्तवण्यात आली असल्याचे सांगण्यात आले आहे. काम असेल तरच नागरिकांनी घराबाहेर पडावं, असं आवाहन करण्यात आलं आहे.

रविवारी राज्यातील महत्वाच्या जिल्ह्यांमध्ये अतिमुसळधार पावसाची शक्यता आहे. सिंधुदुर्ग, रत्नागिरी, कोल्हापूर आणि सातारा जिल्ह्यात पावसाचा रेड अलर्ट जारी करण्यात आला आहे. पश्चिम घाटाच्या परिसरात मुसळधार पावसाची शक्यता आहे. त्यामुळे पर्यटनासाठी गेलेल्या पर्यटकांनी काळजी घ्यावी, असं आवाहन करण्यात आलं आहे.

याच बरोबर विदर्भ आणि मराठवाड्यातील बहुतांश जिल्ह्यांमध्ये गडगडासह जोरदार पाऊसाची शक्यता आहे. किनारपट्टीवर कमी दाबाचे क्षेत्र निर्माण झालं आहे त्यामुळे मुंबईसह कोकणात आणि सह्याद्रीच्या घाट माथ्यावर मुसळधार पाऊस होत आहे