मुंबई: आज राज्यात 8 हजार 67 नवीन कोरोना रुग्ण सापडले आहेत तर 8 जणांचा कोरोनाने मृत्यू झाला आहे. गेल्या चोवीस तासात मोठी रुग्ण वाढ झाल्याचं दिसून येतंय. काल राज्यात 5368 रुग्ण होते.

आज १,७६६ रुग्ण बरे होऊन घरी गेले आहेत. राज्यात आजपर्यंत एकूण ६५,०९,०९६ करोना बाधित रुग्ण बरे झाले आहेत. यामुळे राज्यातील रुग्ण बरे होण्याचे प्रमाण (Recovery Rate) ९७.४६% एवढे झाले. आज राज्यात ८,०६७ नवीन रुग्णांची वाढ झाली आहे. राज्यात आज ८ करोना बाधित रुग्णाांच्या मृत्यूंची नोंद झाली आहे. सध्या राज्यातील मृत्यूदर २.११% एवढा आहे. आजपर्यंत तपासण्यात आलेल्या ६,९०,१०,१५३ प्रयोगशाळा नमुन्यांपैकी ६६,७८,८२१ (९.६८ टक्के) नमुने पॉझिटीव्ह आले आहेत.

सध्या राज्यात १,७५,५९२ व्यक्ती होम क्वारंटाईन मध्ये आहेत तर १०७९ व्यक्ती सांस्थात्मक क्वारंटाईनमध्ये आहेत. आज राज्यात ४ ओमिक्रॉनबाधित नवे रुग्ण सापडले आहेत. तर आजपर्यंत राज्यात एकूण ४५४ ओमिक्रॉन विषाणू बाधित रुग्ण सापडले आहेत.