पंतप्रधानांविषयी अफवा पसरवनाऱ्या पटोले यांना अटक करा - अतुल भातखळकर
मालाड - लोकसभेत पंतप्रधानांनी कॉंग्रेसवर केलेल्या टीकेमुळे राज्यभर त्याचे पडसाद उमटले. दरम्यान, राज्यभरातील कॉंग्रेस नेते आणि संघटना आक्रमक झाल्या आहेत. पंतप्रधान मोदी यांनी याविषयी माफी मागावी अशी मागणी केली. यासंदर्भात राज्यभर आंदोलनही झाले. कॉंग्रेस नेते नाना पटोले यांनी यावर प्रतिक्रिया दिली होती. त्यांनी केलेल्या वक्तव्यावर आता भाजपा नेत्यांनी पुन्हा टीकास्त्र सोडले आहे. दरम्यान, आता पटोले यांच्या विरोधात आमदार अतुल भातखळकर यांनी समता नगर पोलिस ठाण्यात गुन्हा दाखल केला आहे.
पंतप्रधान नरेंद्र मोदी यांच्या विरोध केलेल्या वक्तव्याचा विरोध करत कांदिवलीतील आमदार अतुल भातखळकर यांनी समता नगर पोलिस ठाण्यात गुन्हा दाखल केला आहे. आज भातखळकर यांनी घोषणाबाजी करत कार्यकर्त्यांसमावेत पोलिस ठाण्यात प्रवेश केला. पटोलेंवर कायदेशीर गुन्हा दाखल करण्यात यावा अशी तक्रार त्यांनी केली आहे. पाटोलेंनी काढलेल्या मोर्चात 18 वर्षाखाली मुलांनाही सहभागी करून घेतले होते. या मुलांना पंतप्रधानांविषयी भडकविण्याचे काम पटोले करत असल्याचा आरोप भातखळकर यांनी केला आहे. पंतप्रधानांविषयी अफवा पसरवनाऱ्या पटोले यांना अटक करा, असेही भातखाळकर म्हणाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.