अकोला: महाराष्ट्र नवनिर्माण सेनेचे अध्यक्ष राज ठाकरे यांच्या सभेत चोरट्यांनी हात धुवून घेतल्याची घटना समोर आली आहे. या सभेत चोरट्यांनी कोणाचा खिसा कापला तर कोणाचा आयफोन चोरला. ही बाब महाराष्ट्रातील अकोला जिल्ह्यात घडली आहे. यामुळे या घटनेची सर्वत्र चर्चा सुरू आहे. तसेच याबाबत पोलीस स्थानकामध्ये अनेक तक्रारी आल्या आहेत.
गेल्या महिन्यात 31 जुलै रोजी मनसे कार्यकर्त्यांनी राष्ट्रवादीचे आमदार अमोल मिटकरी यांच्या गाडीची तोडफोड केली होती. यावेळी मनसे विद्यार्थी आघाडीचे जिल्हा उपाध्यक्ष जय मालोकर यांचे हृदयविकाराच्या झटक्याने निधन झाले. जयच्या कुटुंबीयांची भेट घेण्यासाठी राज ठाकरे अकोल्यात पोहोचले होते. त्यानंतर राज ठाकरेंनी सभा घेतली होती. या सभेत ही घटना घडली आहे.
जय मालोकर यांच्या कुटुंबीयांची भेट घेतल्यानंतर राज ठाकरे यांनी आगामी विधानसभा निवडणुकीसंदर्भात मनसेच्या शुभ मंगल कार्यालयात सभा घेतली होती. या सभेतच चोरट्यांनी अनेकांना टार्गेट करून त्यांचे खिसे कापले. एवढेच नाही तर चोरट्यांनी राज ठाकरे यांच्यासोबत असलेल्या सुरक्षा कर्मचाऱ्यांचा आयफोनही काढून घेतला. मनसेचे जिल्हाध्यक्ष आणि अधिकारी या चोरीसंदर्भात तक्रार देणार आहेत.
मनसेचे शहराध्यक्ष राकेश शर्मा यांचा खिसा कापला. त्यानंतर चोरट्यांनी 11 हजार रुपये चोरले. जिल्हाध्यक्ष राजेश काळे यांचा खिसा कापला आहे. तसेच 7 हजार रुपये चोरले आहेत. राज ठाकरे यांच्यासोबत असलेल्या सुरक्षा कर्मचाऱ्यांचा मोबाईल चोरीला गेला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.