नाशिक- सैन्यात सेवेत असणाऱ्याच्या मनाची मानसिकता ही अधांतरीतच असते आम्हाला भेटायला आला तर तो आमचा नाही आला तर तो भारतमातेचा अशी भावना मनाशी बाळगून आम्ही दिवस कंठत असतो. निनादने आज आपल्या सेवेत असताना आमचे आणि देशाचे नावं मोठ केलं आहे त्याचा आम्हाला सार्थ अभिमान आहे, असल्याची भावना बडगाम विमान दुर्घटनेत हुतात्मा झालेल्या निनादच्या वडिलांना बोलून दाखवली.

दरम्यान, डीजीपीनगर बँक कॉलनी येथे 12 नंबरच्या बंगल्यात रहिवासी असलेले निनाद अनिल मांडवगणे आज विमान दुर्घटनेत शहीद झाले. 
डीजीपीनगर नाशिकचे निनाद यांचा जन्म 1986ला झाला होता. निनादचे शिक्षण 05 वी ते 10 पर्यंत भोसला मिलिटरी मध्ये तर 11 वी व 12 चे शिक्षण औरंगाबादच्या सैनिकी संस्थेत झाले होते.

नंतर त्याने बी. ई. मेकॅनिकल इंजिनीयरिंग पूर्ण करून हैद्राबाद ट्रेनिंग कमिशन मध्ये ट्रेनिंग पूर्ण केल्यानंतर 2009 ला एयर फोर्स मध्ये स्कॉड्रन लिडर पदावर सेवेत रुजू होऊन  गुवाहाटी, गोरखपूर येथे सेवा करून 01 महिन्यापूर्वीच श्रीनगर येथे बदली झाली होती. आज ही दुःखद घटना घडली आहे. 

दरम्यान, निनादचे वडील बँक ऑफ इंडियामध्ये नोकरी करत होते. आता ते सेवानिवृत्त झाले असून आईपण सेवेतून सेवानिवृत्त झाल्या आहेत. निनाद हा त्यांचा मोठा मुलगा असून  लहान मुलगा जर्मनीत सी. ए. पदावर सेवेत आहे. निनादच्या मागे 02 वर्षांची मुलगी असून कुटुंबातील मोठा व्यक्ती सोडून गेला आहे हे मोठं दुःख झालं असल्याचं कुटुंबीयांनी आपल्या प्रतिक्रियेतून व्यक्त केले.