मुंबई - कोरोना जंतुसंसर्गाचे रुग्ण म्हणून तपासणी करण्यात आलेल्या तिन्ही रुग्णांना कोणत्याही प्रकारचा संसर्ग झालेला नसल्याचे आरोग्य विभागाने जाहीर केले आहे. मुंबई आंतरराष्ट्रीय विमानतळावर २ हजार ५६ प्रवाशांची थर्मल स्कॅनद्वारे तपासणी करण्यात आली असून, कोणालाही संसर्ग झालेला नसला, तरी नागरिकांनी सतर्क राहावे, असे आवाहन मुख्यमंत्री उद्धव ठाकरे यांनी केले आहे.  

ताज्या बातम्यांसाठी डाऊनलोड करा ई-सकाळचे ऍप

कोरोना जंतुसंसर्गाबाबत आरोग्य यंत्रणेने दक्ष राहून नागरिकांनी देखील सतर्क राहावे, असे आवाहन मुख्यमंत्री उद्धव ठाकरे यांनी केले आहे. तसेच रुग्ण तपासणी व उपचाराबाबत जागतिक आरोग्य संघटना व केंद्रीय आरोग्य विभागाच्या सूचनांप्रमाणे कार्यवाही करावी, अशा सूचना मुख्यमंत्र्यांनी या वेळी दिल्या. 

या बैठकीला नगरविकास मंत्री एकनाथ शिंदे, माजी आरोग्यमंत्री डॉ. दीपक सावंत आदी उपस्थित होते.