मुंबई : कोरोनाग्रस्त रुग्णांचा आकडा दिवसेंदिवस वाढत आहे. काल (मंगळवार) 729 नव्या कोरोनाग्रस्त रुग्णांची नोंद झाली आहे. त्यामुळे सध्या महाराष्ट्रात कोरोनाबाधित रुग्णांची संख्या 9318 वर गेली आहे. तर यामध्ये 400 हून अधिक जणांचा मृत्यू झाला आहे. यातील विशेष बाब म्हणजे काल एका दिवसात 106 रुग्णांना रुग्णालयातून डिस्चार्ज देण्यात आला आहे. तर आत्तापर्यंत राज्यातील 1388 रुग्णांना कोरोनावरील उपचार करून घरी पाठवण्यात आले आहे.

ताज्या बातम्यांसाठी डाऊनलोड करा ई-सकाळचे ऍप

कोरोना व्हायरसचा प्रसार मोठ्या प्रमाणात होत आहे. राज्यात आत्तापर्यंत 9318 जणांना कोरोनाची लागण झाल्याचे स्पष्ट झाले आहे. यामध्ये एकट्या मुंबईत कोरोनाग्रस्त रुग्णांचे प्रमाण सर्वाधिक आहे. आत्तापर्यंत मुंबईतील 6169 जणांना कोरोनाची लागण झाली आहे. तर ठाण्यात 45 रुग्ण आढळले आहेत. याशिवाय ठाणे महानगरपालिकेच्या हद्दीत ही संख्या जास्त आहे. यामध्ये 344 रुग्णांची नोंद झाली आहे. तर संपूर्ण ठाणे विभागात कालपर्यंत 7223 कोरोनाग्रस्त रुग्णांची नोंद झाली आहे. 

नाशिकमध्ये कमी रुग्ण

अहमदनगरमध्ये कोरोना व्हायरसची लागण झालेले 26 रुग्ण आढळले आहेत. आता त्यांच्यावर उपचार केले जात आहेत. तसेच नाशिकमध्येही 5 रुग्णांची नोंद झाली आहे. नाशिकमध्ये इतर जिल्ह्यांच्या तुलनेत कोरोनाचे कमी रुग्ण आढळले आहेत.  

पुण्याच्या बातम्या वाचण्यासाठी येथे ► क्लिक करा 

पुणे विभागात 1288 कोरोनाग्रस्त रुग्ण

पुणे विभागात रुग्णांची संख्या वाढत आहे. या विभागात कालपर्यंत 89 कोरोनाग्रस्त रुग्णांचा मृत्यू झाला. पुणे विभागात येणाऱ्या पुणे महानगरपालिकेच्या हद्दीत कालपर्यंत 1044 रुग्णांची नोंद झाली तर 76 रुग्णांचा कोरोनाची लागण झाल्याने मृत्यू झाला. तसेच पिंपरी-चिंचवडमध्येही 72 कोरोनाग्रस्त रुग्णांची नोंद झाली आहे. तर यामध्ये 3 जणांचा मृत्यू झाला आहे. 

कोल्हापूर विभागात 48 रुग्ण

कोल्हापूर विभागात 48 रुग्ण आढळले आहेत. सांगलीमध्ये याची संख्या सर्वाधिक आहे. सांगलीमध्ये 26 जणांना कोरोनाची लागण झाल्याचे सांगितले जात आहे. तर कोल्हापूरात याची परिस्थिती तुलनेने समाधानकारक आहे. कारण कोल्हापूरात 7 रुग्णांची नोंद झाल्याची माहिती देण्यात आली आहे. 

पुण्याच्या बातम्या वाचण्यासाठी येथे ► क्लिक करा