उरुसादरम्यान वळू उधळल्याने २० भाविक जखमी झाले आहेत. उस्मानाबादमध्ये ही धक्कादायक घटना समोर आली आहे. जखमींवर सध्या रुग्णालयात उपचार सुरू आहेत.

उस्मानाबादमधल्या या उरुसादरम्यान १५ हजार लोक सहभागी झाले होते. हा उरुस सुरू असताना एक वळू अचानक उधळला. हा उधळलेला वळू गर्दीत शिरला, त्यामुळे भाविकांमध्ये गोंधळ उडाला.

हेही वाचा - अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम

या गोंधळामुळे घटनास्थळी पळापळ झाली. त्यानंतर मोठ्या प्रमाणावर चेंगराचेंगरी झाली. यामध्ये २० भाविक जखमी झाले आहेत. मात्र सुदैवाने कोणतीही जीवितहानी झाली नाही.

उस्मानाबादमध्ये सध्या हजरत ख्वाजा शमशुद्दीन गाजी रहे यांचा उरुस सुरू आहे. या घटनेनंतर पोलीस तातडीने घटनास्थळी दाखल झाले. त्यांनी गर्दीवर नियंत्रण मिळवला आहे.