बीड : भारतीय जनता पक्षाने विधान परिषदेची उमेदवारी पंकजा मुंडे यांना न दिल्याने त्यांचे समर्थक आक्रमक झाल्याचे पाहायला मिळत आहेत. विधान परिषदेचे विरोधी पक्षनेते प्रवीण दरेकर (Pravin Darekar) यांचा ताफा बीड (Beed) जिल्ह्यातील पारगाव येथे अडवण्याचा प्रयत्न समर्थकांनी केला आहे. यावेळी त्यांनी प्रवीण दरेकर यांच्याविरोधात घोषणा दिल्या. (Pankaja Munde's Supporters Become Aggressive, Stop Pravin Darekar Convey In Beed)

गोपीनाथ मुंडे यांच्या पुण्यस्मरण दिनी झालेल्या कार्यक्रमात पंकजा मुंडे (Pankaja Munde) यांनी आपल्याला संधी दिल्यास सोने करु, असे सूचोवाच केले होते. त्यामुळे त्यांना विधान परिषदेसाठी संधी मिळेल, अशी चर्चा सुरु झाली. पण पंकजा यांना डावलण्यात आल्याने त्यांच्या समर्थकांमध्ये असंतोष निर्माण झाला आहे. प्रवीण दरेकर हे सध्या बीड दौऱ्यावर आहेत. पारगाव येथे त्यांचा ताफा अडवत पंकजा मुंडे यांच्या समर्थकांनी जोरदार घोषणा दिल्या.

काही दिवसांपूर्वी अहमदनगर जिल्ह्यातील पाथर्डीत एका मुंडे समर्थकाने विषारी औषध घेऊन आत्महत्या करण्याचा प्रयत्न केला होता.