पाटण : कोयना धरण (Koyna Dam) पाणलोट क्षेत्रात सोमवारच्या तुलनेत पावसाचे प्रमाण कमी आहे. सोमवारी पडलेल्या पावसामुळे धरणातील पाणीसाठ्यात दोन टीएमसीने वाढ झाली असून, जलाशयाचा एकूण पाणीसाठा ७४.८१ टीएमसी झाला आहे.

जलाशयात प्रतिसेकंद २४ हजार ५९४ क्युसेक पाण्याची आवक होत आहे. गेल्या २४ तासांत कोयनानगर येथे ७४ (२८४९) मिलिमीटर, नवजाला ११५ (४०८८) मिलिमीटर आणि महाबळेश्‍वरला (Mahabaleshwar) ९६ (३७८८) मिलिमीटर पावसाची नोंद झाली आहे. नवजाच्या पावसाने आज चार हजार मिलिमीटर पावसाचा टप्पा पार पाडला आहे.

दरम्यान, सकाळी नऊ वाजता पायथा वीजगृहातील दुसरे जनित्र चालवून दोन हजार १०० क्युसेक पाण्याचा विसर्ग कोयना नदीपात्रात (Koyna River) करण्यास सुरुवात केली असून, कोयना नदीकाठावरील गावांना सतर्कतेचा इशारा देण्यात आला आहे.