वास्को (गोवा): आम्ही येतोय जातोय काम करतोय. गोव्यात जोरदार लढायच आहे असे आदित्य ठाकरे (Aaditya Thackeray) यांनी यावेळी ठरवले आहे. विधानसभेत आमदार जातील आणि भविष्यात गोव्यावर शिवसेनेचे राज्य येईल अशी प्रतिक्रिया संजय राऊत (Sajay Raut) यांनी दिली आहे. आज ते गोव्यात प्रचारसभेत बोलत होते. (Goa Election 2022)

पंतप्रधान नरेंद्र मोदी (Narendra Modi)यांच्यावर निशाणा साधताना राऊत म्हणाले, मोदी म्हणतात गोव्याशी आमचे जुने नाते आहे. मग आमचे काय आहे. शिवसेनेचे आणि महाराष्ट्राचे गोव्याशी जुने नाते आहे.आमचे सगळ्यांचे देव गोव्यात आहेत. तुम्हाला काय याचे सर्टीफिकीट आणून दाखवू का असा प्रश्न राऊतांनी उपस्थित केला.

गोव्यातील जो मुळ पक्ष आहे त्याचे नाव महाराष्ट्रवादी गोमंतक पक्ष आहे. त्या पक्षाचे पहिले मुख्यमंत्री भाऊसाहेब बांदोडकर आणि बाळासाहेबांची जिवलग मैत्री होती. आम्ही शिवसैनिक येथे आलो नाही कारण बाळासाहेब आम्हाला सांगायचे भाऊसाहेबांचा पक्ष शिवसेनेचे काम करत आहेत. पण आता परिस्थिती बदलली आहे. आता आम्ही ठरवले आहे गोव्यात शिवसेनेचाच झेंडा फडकेल असेही राऊत म्हणाले.

पुढे ते म्हणाले, अर्धे गोवेकर मुंबईत आहेत आणि जे आहेत ते सगळे शिवसेनेत आहेत. गोव्यातील जो मुळ पक्ष आहे तो पण महाराष्ट्र या नावानेच आहे. शिवसेना गोव्यात आली आहे. तुम्ही कुठेही जा फक्त शिवसेनेची चर्चा आहे असे ही राऊत म्हणाले.