मुंबई : थेट जनतेतून नगराध्यक्ष आणि सरपंच निवडीचे विधेयक काल (सोमवार, ता.२२) विधानसभेत मंजूर झाले होते. त्या विधेयकाला आज विधानपरिषदेतही मंजूरी मिळाली आहे. या विधेयकावरून काल सभागृहात मोठा गोंधळ झाला होता. त्यानंतर आता दोन्ही सभागृहात याला मंजूरी मिळाली आहे.

(Sarpanch, Mayor Electing From People Bill Accepted in MLC)

सोमवारी (ता.२२) झाले होते विधेयक मंजूर

राज्यातील ९ हजार ग्रामपंचायतींनी थेट जनतेतून सरपंच निवडीची मागणी केली आहे. त्यामुळे आम्ही त्यांचे ऐकतो, त्यावरून हा निर्णय घेतला असून आम्ही निर्णय घेण्यास सक्षम असल्याचं सांगत मुख्यमंत्र्यांनी हे विधेयक काल विधानसभेत मंजूर करून घेतलं होतं.

"जे काही झालं ते का झालं? हे सर्वांना माहिती आहे. त्यामुळे त्यावर मी जास्त बोलणार नाही. जेव्हा एखादा निर्णय घेतला जातो तेव्हा अनुभवामुळेच बदलला जातो. अजित दादाही म्हणाले होते की, जनतेतून नगराध्यक्षांची निवड करण्यात यावी." असं मुख्यमंत्री काल विधानसभेत बोलताना म्हणाले होते. त्यानंतर विधेयकाला विधानसभेचे अध्यक्ष राहुल नार्वेकरांनी मंजूरी दिली होती.