राष्ट्रवादी काँग्रेसमध्ये अजित पवार यांनी घेतलेल्या निर्णयामुळे उभी फूट पडली आहे. त्यानंतर आता पक्षाचे अध्यक्ष शरद पवार अॅक्शन मोडमध्ये आले आहेत. पवारांनी पक्षातील पदाधिकारी, आमदारांसोबत चर्चा सुरू केली आहे. काल मोठी बैठक घेतली. पुन्हा नव्याने पक्षबांधणीसाठी ते सज्ज असल्याचे त्यांनी काल बैठकीत बोलताना सांगितले. तर, आपल्या राज्यभर दौऱ्याचीही आखणी करण्यास सुरुवात केली आहे.  (Marathi Tajya Batmya)

काल आमदार, खासदार, राज्य कार्यकारणी, पदाधिकाऱ्यांच्या बैठकीनंतर आज गुरुवारी 6 जुलै रोजी राष्ट्रीय कार्यकारणीची बैठक होणार आहे. पक्षाचे अध्यक्ष शरद पवार यांनी दिल्लीत राष्ट्रीय कार्यकारणीची बैठक बोलावली आहे. (Latest Marathi News)

पक्षातल्या अंतर्गत मोठ्या घडामोडींच्या पार्श्वभूमीवर शरद पवारांनी ही महत्वाची बैठक बोलावली आहे. पक्षावर पकड कायम ठेवण्यासाठी पवारांकडून मोठी पावले उचलली जात आहेत. दिल्लीत होणाऱ्या याच वर्किंग कमिटीमध्ये पक्षाच्या घटनेच्या दृष्टीने, संघटनेतल्या बदलांच्या दृष्टीने महत्त्वाचे निर्णय होण्याची शक्यता वर्तवण्यात येत आहेत. (Marathi Tajya Batmya)

शरद पवार यांनी याआधीच पक्षविरोधी कारवाई केल्यामुळे पक्षाचे कार्यकारी अध्यक्ष खासदार प्रफुल्ल पटेल आणि खासदार सुनील तटकरे यांनी पक्षातुन बडतर्फ केलं आहे. त्यामुळे आता गुरुवारी 6 जुलै रोजी होणाऱ्या राष्ट्रीय कार्यकारणीत काय निर्णय होणार याकडे राजकीय वर्तुळाचे लक्ष लागले आहे.(Latest Marathi News)

राष्ट्रवादी अध्यक्ष शरद पवार आणि कार्याध्यक्ष सुप्रिया सुळे दिल्लीला रवाना झाले आहेत. सकाळी 8 वाजता सिल्वर ओक निवासस्थानावरून मुंबई विमानतळाच्या दिशेने रवाना झाले आहेत. आज दुपारी 3 वाजता दिल्लीमध्ये राष्ट्रवादी काँग्रेस पार्टीची राष्ट्रीय कार्यकारणी पार पडणार आहे. अजित पवार यांनी उपमुख्यमंत्री शपथ घेतल्यानंतर पहिल्यांदा राष्ट्रीय कार्यकारणी होत आहे. (Marathi Tajya Batmya)