राष्ट्रवादी काँग्रेस पक्षाचा निर्धार मेळावा कर्जतमध्ये आयोजित करण्यात आला आहे. आज कर्जतमध्ये बोलताना उपमुख्यमंत्री अजित पवार यांनी अनेक गोष्टींवर भाष्य केलं आहे. यावेळी अजित पवार यांनी सरकारमध्ये सामील होण्यावेळचा प्रसंग सांगत राष्ट्रवादीचे अध्यक्ष शरद पवार यांच्यावर थेट निशाणा साधला.

काय म्हणाले अजित पवार?

"आम्ही १०-१२ जण देवगिरीवर बसलो होतो. भाजपसोबत जाण्याबाबत थेट शरद पवारांना सांगितलं तर काय होईल. या विचाराने मी ताईंना बोलवलं आणि सांगितले. ताईंनी वेळ मागितला आणि आम्ही देखील थांबलो. त्यानंतर मला घरी बोलवलं, आणि अध्यक्षपदाचा राजीनामा देतो. असे शरद पवार साहेबांनी सांगितले. आम्हाला घरातल्या ४ लोकांना हे माहित होते."(Latest Marathi News)

"त्या दिवशी पुस्तक प्रकाशनात त्यांनी राजीनामा देण्याचे जाहीर केले. नंतर काही लोकांना सांगितले की, वाय बी सेंट्रलला लोक पाहिजेत. राजीनामा देतो म्हणून सांगता मग हे कशाला? तिथे आव्हाड यांना सोडले तर इतर आमदार नव्हता, तेच तेच लोक होते. त्यानंतर आम्ही २ जुलै ला शपथ घेतली.."असं शरद पवार म्हणाले.(Latest Marathi News)

"२ जुलैला घेतलेला निर्णय आवडला नाही तर, १५ जुलैला बोलवलं कशाला? आधी मंत्री या मग आमदार या असे सांगितले. निर्णय आवडला नाही तर बोलावले कशाला? मी फसवणूक म्हणणार नाही, पण गाफील का ठेवता?" असा थेट सवाल अजित पवार यांनी यावेळी बोलताना उपस्थित केला आहे. तसेच १२ ऑगस्टला मला एक उद्योगपतीने बोलावले. शरद पवार आणि जयंत पाटील असतील असा मला निरोप आला, म्हणून मी गेलो," असा खुलासा ही त्यांनी पुण्याच्या भेटीबाबत केला.(Latest Marathi News)