महाराष्ट्र राज्यातील राजकीय घडामोडींनी वेग आला आहे. एकीकडे शिंदे (Eknath Shinde) गटाकडून बंड पुकारण्यात आलं आहे. त्यामुळे राजकीय वर्तुळात चांगलीच खळबळ माजली आहे. आरोप प्रत्यारोपांच्या फैरी झडत आहेत. अशातच, बॉलीवूडच्या एका अभिनेत्रीने सुरु असलेल्या घडामोडीत उडी घेतली आहे. ट्विट करत तिने खासदार संजय राऊत यांच्यावर निशाणा साधला(sherlyn chopra on sanjay raut and maharashtra politics) आहे.

मॉडेल आणि अभिनेत्री शर्लिन चोप्राने आपल्या ट्विटर अकाऊंटवर एक व्हिडीओ शेअर केला आहे. ज्यामध्ये संजय राऊत सुर पेटी वाजवताना दिसत आहे. 'अच्छा सिला दिया तूने मेरे प्यार का, अच्छा सिला दिया तूने मेरे प्यार का, यार ने ही लुट लिया घर यार का'' या गाण्याच्या धुनची जोड दिली आहे.

शर्लिनने हा व्हिडीओ शेअर करत 'हमें नहीं मालूम था कि सर इतना अच्छा बजाते हैं " असे कॅप्शनमध्ये म्हटले आहे. शर्लिनचा हा व्हिडीओ सोशल मीडियावर तुफान व्हायरल होत आहे.

गेल्या काही दिवसांपासून, महाराष्ट्र राज्यात राजकीय उलथापाळथ सुरू आहे. शिवसेनेच्या एकनाथ शिंदे यांच्यासह ३५ पेक्षा अधिक आमदारांनी बंड पुकारला आहे. या सर्व आमदारांनी संजय राऊतांवर निशाणा साधला आहे. अनेक आमदारांनी संजय राऊत वागणुक नीट देत नसल्याचे आरोप केले आहेत.

दरम्यान, एकनाथ शिंदे (Eknath Shinde)यांचा गट आज राज्यपालांना (Bhagat Singh Koshyari) पत्र देणार असल्याची माहिती समोर आली आहे. शिंदे गट हीच शिवसेना (Shivsena) असल्याचा दावा राज्यपालांकडे देणाऱ्या पत्रात केला असल्याची सूत्रांची माहिती आहे.

तर दुसरीकडे पक्षाच्या नेते पदावरुन शिंदे यांची हकालपट्टी होण्याची शक्यता आहे. शिवसेनेच्या राष्ट्रीय कार्यकारिणीची आज बैठक बोलावण्यात आली आहे. पक्षप्रमुख उद्धव ठाकरे शिंदे यांच्यासंदर्भात निर्णय घेणार आहेत. आज दुपारी १ वाजता शिवसेना भवनात राष्ट्रीय कार्यकरिणी बैठक आहे. पक्षाच्या घटनेतही काही बदल केले जाण्याची शक्यता आहे.