छत्रपती शिवाजी महाराजांची आज तिथीनुसार जयंती आहे. त्यानिमित्त ठाकरे गटाकडून एक व्हिडीओ ट्वीट करण्यात आला आहे. या व्हि़डीओमध्ये बाळासाहेब ठाकरे यांचा आवाज वापरण्यात आला आहे. या व्हिडीओच्या माध्यमातून ठाकरे गटाने शिंदे गटाला टोला लगावला आहे.
शिवसेना उद्धव बाळासाहेब ठाकरे पक्षाचे खासदार अरविंद सावंत यांच्याकडून हा व्हिडीओ ट्वीट करण्यात आला आहे. या ट्वीटमधून त्यांनी शिंदे गटावर अप्रत्यक्षपणे निशाणा साधला आहे. "पैशाशी जर लाचार व्हाल तर शिवरायांचे नाव घेऊ नका, भगवा झेंडा हातात घेऊ नका हे महाराजांना सुद्धा आवडणार नाही हे ढोंग तुमच्या मराठ्यांच्या रक्तात असता कामा नये एवढी काळजी घ्या, शिवसेनेकडे लोक आदराने पाहतायत हा आदर तसाच ठेवा", असं बाळासाहेब ठाकरे यांच्या आवाजात म्हटलं आहे.
आज छत्रपती शिवाजी महाराजांची तिथीनुसार जयंती आहे. त्यानिमित्ताने राज्यभरात उत्साहाचं वातावरण आहे. विविध ठिकाणी कार्यक्रमांचं आयोजन करण्यात आलं आहे. मुंबईतल्या शिवाजी पार्क इथं राज ठाकरे यांच्यासह अनेक नेत्यांनी हजेरी लावत छत्रपती शिवरायांना अभिवादन केलं. उद्धव ठाकरे यांनीही रश्मी ठाकरे आणि आदित्य ठाकरे यांच्यासह छत्रपती शिवरायांना अभिवादन केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.