सोलापूर : शहरात दोन दिवसापासून दूषित पाण्याचा प्रश्न गंभीर बनला आहे. सोलापुरातील मध्यवर्ती कारागृहातील नळालाही दूषित पाणी येत होते. बुधवारी (ता. ९) कैद्यांसाठी पिण्याच्या पाण्याचा टॅंकर बोलावला होता. दूषित पाणी बंद होऊन नळाला चांगले पाणी यावे म्हणून महापालिकेला पाइपलाइन दुरुस्तीची विनंती करूनही वेळेत काम झाले नाही. त्यामुळे तुरुंग प्रशासनाने चार कैद्यांना बाहेर काढून पाइपलाइनची दुरुस्ती केली.
सोलापूर कारागृहातील कैद्यांना पिण्यासाठी व वापरायला पुरेसे पाणी मिळावे म्हणून नळ कनेक्शन आहे. तुरुंगात बोअर देखील घेतलेला आहे. पण, तुरुंगातील नळाला काळ्या रंगाचे पाणी येत होते आणि ते वापरण्यायोग्य नव्हते. पाइपलाइन दुरुस्त केल्यावर दूषित पाणी बंद होईल, महापालिकेकडेही मनुष्यबळ उपलब्ध नसल्याने वेळेत प्रतिसाद मिळत नव्हता. या पार्श्वभूमीवर तुरुंग प्रशासनाला चार कैद्यांना बाहेर पाइपलाइनची दुरुस्ती करावी लागली. त्यावेळी तुरुंग प्रशासनाने कैद्यांवर लक्ष ठेवण्यासाठी बंदोबस्त देखील दिलेला होता.
काम झाल्यावर त्या कैद्यांना पुन्हा कारागृहात आणण्यात आले होते. दरम्यान, कारागृह प्रशासनाने १७ सप्टेंबर २०२४ रोजी महापालिकेकडे एकऐवजी दोन इंचीच नळ कनेक्शन मिळावे, अशी मागणी केली होती. त्यासाठीचे शुल्क देखील भरले होते, पण महापालिकेकडून काहीही कार्यवाही झाली नाही. त्यामुळे कैद्यांच्या सोयीसाठी तुरूंग प्रशासनानेच पुढाकार घेतला आणि ज्या ठिकाणाहून नळ कनेक्शनची जोडणी होणार आहे, तेथे खड्डा खणून दिल्याचे पहायला मिळाले.
कैद्यांना स्वच्छ, शुद्ध अन्‌ पुरेसे पाणी मिळावे हाच हेतू
कारागृहातील कैद्यांची संख्या मोठी असून सोलापूर शहरात सध्या दूषित पाण्याचा प्रश्न गंभीर बनला आहे. कारागृहातील नळाला देखील दोन दिवसापासून दूषित पाणी येत होते. पाइपलाइन दुरुस्तीची विनंती महापालिकेला केली होती. पण, कैद्यांचा पाण्याचा प्रश्न सुटावा, त्यांना दूषित पाण्यामुळे कोणताही धोका होऊ नये म्हणून तत्काळ दुरुस्तीसाठी चार कैद्यांना काही वेळासाठी कारागृहापासून जवळच नेले होते. त्यांच्यासोबत बंदोबस्तही दिलेला होता.
- सुशील कुंभार, अधीक्षक, सोलापूर मध्यवर्ती कारागृह
तुरुंगात क्षमतेच्या चौपट कैदी
सोलापूर मध्यवर्ती कारागृहातील कैद्यांची क्षमता १४१ इतकी आहे. पण, सध्या शहर-जिल्ह्यातील विविध गुन्ह्यांमधील तब्बल ५५३ कैदी या मध्यवर्ती कारागृहात आहेत. कारागृहाच्या क्षमतेपेक्षा चौपट कैदी या ठिकाणी आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.