मुंबई : परिवहन मंत्री अनिल परब (Anil Parab) यांनी घोषणा केलेली वेतनवाढ (Increment) 1 नोव्हेंबर पासून एसटी कर्मचाऱ्यांच्या (ST Employee) वेतनात लागू करण्याचे आदेश एसटीचे व्यवस्थापकीय संचालक शेखर चन्ने (Shekhar channe) यांनी दिले आहे. 1 नोव्हेंबर पासून कर्तव्यावर हजर असलेल्या कर्मचाऱ्यांनाच 10 डिसेंबर रोजी हजर दिवसाचे वेतन नवीन वेतनवाढीप्रमाणे देण्याचे परिपत्रक (circular) राज्यातील विभाग नियंत्रकांना देण्यात आले आहे.

यामध्ये 31 ऑक्टोबर 2021 रोजी पर्यंत 10 वर्षाचा कालावधी पूर्ण होत असल्यास किंवा 10 वर्षाच्या आतील कर्मचारी अधिकाऱ्यांना 5 हजार वेतनवाढ दिली जाणार आहे. त्याप्रमाणेच 10 ते 20 आणि 20 वर्षांवरील सेवा देणाऱ्यांची सेवा 32 ऑक्टोबर पर्यंत मोजण्यात येणार असून, घोषित वेतनवाढीप्रमाणे लाभ दिला जाणार आहे.

अशी आहे वेतनवाढ

सेवा कालावधी - वेतनवाढीचा फरक

10 वर्षे - 5 हजार

10 ते 20 वर्ष - 4 हजार

20 ते पुढील सेवा - 2 हजार 500