Uddhav Thackeray Astrology : सध्या राज्यात भाजप आणि शिंदे गट यांच्या युतीचं सरकार आहे. एकनाथ शिंदे यांनी उद्धव ठाकरे यांच्यासोबत बंडखोरी करुन कशाप्रकारे राज्यात सत्ता स्थापण केली, हे संपुर्ण राज्याने पाहिले. अशात उद्धव ठाकरे यांच्या ग्रहस्थितीचा अंदाज आपण लावू शकतो.

आज आम्ही तुम्हाला उद्धव ठाकरे यांची यंदाची होळी कशी जाणार आणि त्यांची ग्रहस्थिती कशी आहे, याविषयी जाणून घेणार आहोत. यासंदर्भात ज्योतिषी काय म्हणाले, जाणून घेऊया.

ज्योतिषींच्या मते, सध्या उद्धव ठाकरे यांचे ग्रहयोग ठीक नाहीत. यामुळे त्यांच्या हातून पक्षाचं नाव आणि चिन्ह गेलंय. उद्धव ठाकरे यांच्या राशीत शनी हा अशुभ असून राशीतील गुरु हा शत्रू आहे. यामुळे त्यांची राजकारणात पकड कमी दिसतेय आणि सारखं अपयश त्यांच्या पदरी येत आहे. तरीसुद्धा उद्धव ठाकरे यांच्या साठी होळीचा शुभ रंग हा हिरवा आहे.

सध्या राज्यात सत्ता संघर्षावरुन चांगलाच वाद रंगलेला दिसतोय. नुकताच निवडणूक आयोगाने शिंदे गटाला शिवसेना हे पक्षाचं नाव आणि धनुष्यबाण चिन्ह दिल्याने पक्षाचं नाव आणि चिन्ह उद्धव ठाकरेंनी गमावलंय. त्यामुळे उद्धव ठाकरे यांचे अच्छे दिन नसल्याचे स्पष्ट दिसतेय. त्यांची ग्रहस्थिती आणि राशीतील अशुभ शनि याचा थेट परिणाम त्यांच्या राजकीय जीवनात दिसून येतोय.

डॉ नरेंद्र धारणे, धर्मशास्त्र अभ्यासक