मुंबई: नुकतीच राज्य मंत्रीमंडळाची बैठक संपली. या मंत्रीमंडळाच्या बैठकीत शालेय शुल्काबाबत महत्त्वाचा निर्णय घेण्यात आला आहे. राजस्थान सरकारच्या धरतीवर महाराष्ट्रातही खासगी शाळांचे शुल्क १५ टक्के कमी करणार असल्याचा निर्णय या बैठकीत घेण्यात आला आहे. लवकरच राज्य सरकार फी कपातीचा आदेश काढणार आहे. या वर्षासाठी हा निर्णय लागू असणार असल्याची माहिती शालेय शिक्षण मंत्री वर्षा गायकवाड यांनी आज पत्रकार परिषदेत दिली आहे.
पालकांकडून दरवर्षीप्रमाणे पूर्ण फी मागितली जात असल्याची तक्रार केली जात होती. शाळा बंद असल्याने शाळेतील विविध विषयांच्या प्रयोगशाळा, संगणकाचे प्रशिक्षण, विविध उपक्रम, शाळेचे मैदान, ग्रंथालय अशा गोष्टी सध्या वापरात नाहीयेत. तर त्यासंदर्भातील फी का आकारली जातेय, असा पालकांचा सवाल आहे. त्यामुळेच हा महत्त्वपूर्ण निर्णय घेण्यात आला आहे.
ज्यांनी याआधीच पूर्ण फी भरलीय त्यांच्याबाबतची स्पष्टता येणाऱ्या काळात देऊ, असंही त्या म्हणाल्या. आता या निर्णयानुसार, पालकांना फक्त ८५ टक्के फी भरावी लागणार आहे. याआधीच शाळांना फी वाढवू नये याच्या सूचना दिल्या होत्या. त्यामुळे या नव्या निर्णयामुळे पालकांना देखील दिलासा मिळणार आहे. सर्वोच्च न्यायालयाने याआधीच सांगितलं होतं त्यानुसार आज हा निर्णय घेण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.