औरंगाबाद : मनसे अध्यक्ष राज ठाकरे यांच्या औरंगाबाद दौऱ्यावेळी जोरदार राडा झाल्याचे समोर आले आहे. ज्या ठिकाणी राज यांची बैठक आयोजित करण्यात आली होती. त्या ठिकाणी असणाऱ्या चोराने पाकीट मारल्याचा प्रकार समोर आला आहे. दरम्यान, राज ठाकरे कार्यालयातून बाहेर पडताच मनसैनिकांनी या पाकीट चोराला चांगलाच चोप दिला. त्यामुळे काही काळ येथे गोंधळाचे वातावरण निर्माण झाले होते. (MNS Chief Raj Thackeray On Aurangabad Tour)

आगामी पक्ष बांधणी आणि महापालिका निवडणुकांच्या पार्श्वभूमीवर मनसे अध्यक्ष राज ठाकरे महाराष्ट्र दौऱ्यावर आहेत. (MNS Chief Raj Thackeray On Maharashtra Tour For Upcoming Corporation Election ) याच दौऱ्याचा एक भाग म्हणून मंगळवारी राज ठाकरे हे औरंगाबाद शहरात बैठकीसाठी आले आहेत. यावेळी ज्या कार्यालयात राज यांच्या बैठकीचे आयोजन करण्यात आले होते. त्या ठिकाणी एका चोराने पाकीट चोरले. (Wallet Theft In Raj Thackeray Meeting ) त्यानंतर ही बाब तेथे उपस्थित मनसैनिकांना कळाली. त्यानंतर राज ठाकरे कार्यालयाबाहेर पडताच उपस्थित मनसैनिकांनी त्या पाकीट चोराला चांगलाच चोप दिली. यानंतर तेथे काही काळ गोंधळाचे वातावरण निर्माण झाले होते. दरम्यान, पोलिसांनी पाकीट चोरट्याला बाजूला घेऊन गर्दी पांगवली. पण राज यांच्या बैठकीच्या ठिकाणी पाकीट चोरणे चोराला चांगलेच महागात पडले हे मात्र नक्की.