राज्यामध्ये गेल्या काही दिवसांपासून पावसाचा जोर कमी झाला आहे. तर काही भागात मध्यम स्वरूपाचा पाऊस पडत आहे. हवामान विभागाने पुढचे तीन ते चार दिवस राज्यात जोरदार पावसाची शक्यता वर्तवली आहे. राज्यातील काही भागात जोरदार पाऊस झाला असला तरी अनेक जिल्ह्यांमध्ये पावसाचे प्रमाण कमी आहे.

हवामान विभागाकडून वर्तवण्यात आलेल्या अंदाजानुसार ऑगस्ट महिन्यात पावसाचे प्रमाण हे सरासरीपेक्षा कमी असणार आहे. ऑगस्ट महिन्याच्या सुरुवातीलाच या अंदाजानुसार परिस्थिती दिसुन येत आहे. कोकण आणि विदर्भातील काही भाग वगळला असता गेल्या काही दिवसांपासून राज्यात पावसाने दडी मारली आहे.

दरम्यान राज्यात पावसाचा जोर कमी झाला आहे. मुंबईसह, पुणे जिल्ह्यातही पावसाने उघडीप घेतली आहे. हवामान विभागाच्या अंदाजानुसार पुढील आठवडाभर पुण्यात ढगाळ राहील वातावरण ढगाळ राहील, अनेक ठिकाणी हलक्या स्वरूपाच्या पावसाची शक्यता आहे.

आज पालघर, ठाणे जिल्ह्यात काही ठिकाणी जोरदार पावसाची शक्यता हवामान विभागाकडुन वर्तवण्यात आला आहे. राज्यातील इतर जिल्ह्यांमध्ये हलक्या ते मध्यम पावसाचा अंदाज वर्तवण्यात आला आहे. तर कोकण विभागात 10 ऑगस्टपर्यंत मध्यम पावसाचा अंदाज हवामान विभागाने वर्तवला आहे. उर्वरित राज्यात पावसाचा जोर कमी असेल, असा अंदाज IMDने वर्तवला आहे.