Sharad Pawar : लोकसभा निवडणुकीत महाविकास आघाडीला चांगलं यश मिळाल्यानंतर आघाडीने आता विधानसभा निवडणुकांची तयारी सुरु केल्याचं दिसून येत आहे. त्याचाच एक भाग म्हणून शनिवारी मुंबईत महाविकास आघाडीची एक बैठक होत आहे.

महाविकास आघाडीच्या या बैठकीला काँग्रेस प्रदेशाध्यक्ष नाना पटोले हे उपस्थित राहणार नसल्याचं कळतंय. तर काँग्रेस नेते तथा विधान परिषेदेच विरोधी पक्षनेते विजय वडेट्टीवार यांनादेखील या बैठकीबद्दल काहीही माहिती नाहीये.

महाविकास आघाडीमध्ये नेमकं काय सुरुय? याबद्दल तर्कवितर्क लढवले जात आहेत. येणाऱ्या विधानसभा निवडणुका काँग्रेस स्वबळावर लढवणार असल्याची चर्चा आहे. 'साम टीव्ही'ने याबाबतचे वृत्त दिले आहे.

महाविकास आघाडीच्या शनिवारच्या बैठकीला शरद पवार, उद्धव ठाकरे हे दोन प्रमुख नेते उपस्थित राहणार आहेत. काँग्रेसकडून कोणी प्रतिनिधी उपस्थित राहणार की नाही? असा प्रश्न यानिमित्ताने उपस्थित होत आहे.