नाशिक : अंबड औद्योगिक वसाहतीत मुंगी इंजिनीयरिंग कंपनीतील कामगारांना कोणतीही पूर्वसूचना न देता कामावरून कमी केल्याच्या निषेधार्थ सातपूर येथील कामगार उपायुक्त कार्यालयासमोर बेरोजगार कामगारांनी उपोषण सुरू केले आहे.या बाबत सोमवारी (ता.१४) सहाय्यक आयुक्त एस.टी.शिर्के यांच्या दालनात बैठक घेण्यात आली. पण समाधान तोडगा निघु शकला नाही 

ऐन दिवाळी सणाच्या काळात ३५ ते ४० कामगारांना काढले

गेली अनेक वर्षे कंपनीत काम करणाऱ्या ३५ ते ४० कामगारांना ऐन दिवाळी सणाच्या काळात कंपनीने मंदीचे कारण पुढे करत अचानक जुने कामगार काढून नवीन कामगारांची भरती सुरू असल्याचे कामगारांनी कामगार आयुक्त व इतर शासकीय अधिकाऱ्यांना दिलेल्या निवेदनात म्हटले आहे. याबाबत पोलीस आयुक्त, विभागीय महसूल आयुक्त, जिल्हाधिकारी, कामगार आयुक्त आदी कार्यालयांना निवेदने देऊनही कामगारांना पुन्हा कामावर घेतलेले नाही. याच्या निषेधार्थ कामगार उपआयुक कार्यालया समोर कामगारनी कुटूंबासह उपोषण सुरू केले आहे. यावेळी नितीन पगारे, अनिल गौतम, रामरतन कहालकर, योगराम भुते, मच्छिंद्र निकम आदीं उपस्थित होते.