शरद पवार (Sharad Pawar) आहेत म्हणुन महाविकास आघाडीचे (MVA) सरकार जोरात सुरू आहे असं मत आज काँग्रेस नेत्या यशोमती ठाकूर (Yashomati Thakur) यांनी व्यक्त केलं. मुंबईतील यशवंतराव चव्हाण सेंटर मध्ये राज्य महिला आयोगाच्या (Maharashtra State Commission for Woman) 29 व्या वर्धापनदिनानिमित्त आयोजित कार्यक्रमात त्या बोलत होत्या. यावेळी यशोमती ठाकूर यांनी राज्यातील महिला धोरण आणि महिला सुरक्षितता अशा विषयांवर उपस्थितांशी संवाद साधला.

महाविकास आघाडी काळात अजून महिला धोरणं आणखी प्रो ॲक्टीव करू शकतो. महीला धोरणांची अंमलबजावणी झाली पाहीजे. रस्त्यावर प्रत्येक २५ किमी वर टॉयलेट हवेत, हे कर्नाटक मध्ये आहे तर आपल्या इथे का नाही असंही त्या म्हणाल्या. पुढे त्या म्हणाल्या की, महीला धोरणांना आपण महत्व देत नाहीत, त्यांना महत्व दिलं पाहीजे. कोस्टल रोड झाली नाही तरी चालेल पण मुलांसाठी, महीलांसाठी पैसे दिले पाहीजे यासाठी मी भांडते असं त्यांनी सांगितलं.

दरम्यान, या कार्यक्रमाला सुप्रिया सुळे, नीलम गोऱ्हे, यशोमती ठाकूर, संजय पांडे, ज्योती ठाकरे उपस्थित होते.