नांदेड : नांदेडहून गावाकडे जाणाऱ्या एका दुचाकीस्वारास अज्ञात वाहनाची धडक बसली. यात तो जागीच ठार झाला. ही घटना नांदेड ते नायगाव रस्त्यावर असलेल्या किकी पाटीजवळ मंगळवारी (ता. १५) सकाळी घडली. 

लोहा तालुक्यातील नांदगाव येथील तरूण लक्ष्मण श्रीराम भरकडे (वय २७) हा नांदेडच्या मोगडपल्ली मेडीकल या दुकानावर कामाला होता. सोमवारी (ता. १४) रात्री दिवाळीनिमित्त दुकान साफ करण्यासाठी तो नांदेडमध्येच थांबला. 

मंगळवारी सकाळी तो आपल्या घराकडे दुचाकीवरुन जात असताना किकी पाटीजवळ त्याच्या दुचाकीला अज्ञात वाहनाने जोराची धडक दिली. या धडकेत त्याच्या डोक्याला गंभीर दुखापत होऊन तो जागीच ठार झाला.

उस्माननगर पोलिसांनी घटनास्थीळ येऊन पंचनामा केला. शवविच्देनासाठी लक्ष्मण भरकडे याचा मृतदेह विष्णुपूरी येथील शासकिय रुग्णालयात दाखल केला आहे. मयत लक्ष्मण हा घरचा एकटाच कमावता पुरूष होता. त्यामुळे परिसरात हळहळ व्यक्त होत आहे.