मुंबई - होळीचा सण म्हणजे मजा,मस्ती आणि धमाल. या दिवशी होळी पोटवली जाते आणि होळीला सुवासिनी नैवेद्य दाखतात. तसेच लहान मुलं दिमडी वाजवतात. ही परंपरा गेली अनेक वर्ष सुरू आहे. याचा त्रास आता मराठी अभिनेत्रीला झाला आहे. ही अभिनेत्री म्हणजे केतकी चितळे. नुकताच केतकीने एक व्हिडीओ सोशल मिडीयावर शेअर केला आहे. या व्हिडीओमध्ये केतकी तिच्या सोसायटीमधील एका महिलेला ओरडताना दिसत आहे.

केतकीला एपिलेप्सीचा आजार लहानपणापासूनच आहे. यामध्ये जास्त आवाज आणि गोगांटाचा त्रास होत असतो. होळीच्या दिवशी केतकीला सोसायटीमध्ये दिमडी वाजवण्याचा आणि लोकांचा खूप आावाज येत होता. या आवाजचा त्रास केतकीला झाला. त्यामुळे तिने अनेकदा सोसायटीमधील लोकांना आवाज न करण्याची विनंती केली. पण कोणीच ऐकले नाही. केतकीने या त्रासाला कंटाळून पोलिसांकडे तक्रार केली.

केतकीने एका महिलेला आवाजमुळे होणाऱ्या त्रासाबद्दल सांगितले तर त्या महिलेने केतकीसोबत भांडण केले. या महिलेचा व्हिडीओ तिने शेअर करत तिला होणाऱ्या त्रासाबद्दल सांगितले. तिला मानसिक आणि शारिरीक त्रास या आवाजामुळे सहन करावा लागला असे तिने या व्हिडीओमध्ये सांगितले आहे. 

हे वाचा - 'लक्ष्मी'चा टीव्हीवर नवा विक्रम; पाच वर्षांतला सर्वांधिक व्ह्यूज मिळालेला चित्रपट

फिट येणे ,आकडी, मिरगी, अपस्मार म्हणजेच एपिलेप्सि. या आजारात रूग्णाला कधीही अचानक झटका येऊ शकतो. हा आजार मेंदूशी निगडीत आहे. एपिलेप्सिबद्दल केतकी अनेक समाज प्रबोधनात्मक पोस्ट सोशल मिडीयावर शेअर करत असते. या पोस्टमधून ती एपिलीप्सी आजारबद्दलची माहिती नेटकऱ्यांना देते. काही दिवसांपूर्वी 'एक्सेप्ट एपिलेप्सि' नावाचा बॅंड घालून केतकीने फोटो शेअर केला होता.