बॉलीवूड सुपरस्टार अजय देवगण आणि तब्बू यांचा बहुप्रतिक्षित चित्रपट 'भोला' याची रिलिजपुर्वी बराच चर्चेत होता. रामनवमीच्या मुहूर्तावर भोला बॉक्स ऑफिसवर रिलीज झाला आहे. मात्र अजयला या चित्रपटाकडून जितकी अपेक्षा होती तसं काही चित्र बॉक्स ऑफिसवर पहायला मिळत नाही आहे.

पहिल्याच दिवशी चित्रपटाचंकलेक्शन खूपच कमी होतं. आश्चर्याची गोष्ट म्हणजे अजय देवगणच्या आतापर्यंत प्रदर्शित झालेल्या चित्रपटांमध्ये हा चित्रपट सर्वात कमी ओपनर ठरला आहे.

बॉलीवूड सुपरस्टार अजय देवगणचा भोला चित्रपटासोबत साऊथ अभिनेता नानीचा दसरा हा चित्रपट देखील रिलिज झाला आहे.

बॉक्स ऑफिसवर पहिल्या दिवसापासूनच दोन्ही चित्रपटांमध्ये कमाईची लढाई सुरू आहे. पहिल्या दिवशी दसरा या चित्रपटाने अजयच्या भोला ला मागे टाकले होते.

आता 'भोला' आणि 'दसरा'च्या दुसऱ्या दिवसाचे आकडेही समोर आले आहेत.

अजय देवगण आणि तब्बूच्या 'भोला' चित्रपटाचे कलेक्शन शुक्रवारी वाढण्याऐवजी दुसऱ्या दिवशीही काही खास नाही.

गुरुवारी या चित्रपटाने 10 कोटी रुपयांची कमाई केली होती. पण आता शुक्रवारी चित्रपटाच्या कमाईत 35% नी घसरली आहे. शुक्रवारी 'भोला'ने केवळ 6.50 कोटी रुपयांचे कलेक्शन केले आहे.

तर दुसरीकडे नानीच्या 'दसरा' चित्रपटाच्या एकूण कमाईबद्दल बोलायचे झाल्यास, नानीच्या 'दसरा'ने पहिल्या दिवशी बॉक्स ऑफिसवर 23 कोटींचा व्यवसाय केला.

तर दुसऱ्या दिवशी या चित्रपटाने 12 कोटीची कमाई केली आहे. त्याचवेळी, आता दुसऱ्या दिवसाच्या कमाईत भर पडल्याने चित्रपटाचे एकूण कलेक्शन 35 कोटी रुपये झाले आहे.

शुक्रवारी दोन्ही चित्रपटांच्या कलेक्शनमध्ये घसरण झाली असली तरी भोलावर अजूनही दसरा या चित्रपाटाच्या मागेच आहे.

पहिल्या दिवशीही नानीच्या चित्रपटाने अजय देवगणच्या चित्रपटाला तगडी टक्कर दिली आणि दुसऱ्या दिवशीही तेच होताना दिसत आहे.

त्यामुळे नक्कीच टॉलिवूडच्या दसरा या चित्रपटाने बॉलिवूडला पुन्हा मागे टाकलं असल्याचं दिसतयं.