Amitabh Bachchan - Rekha News: अमिताभ बच्चन हे बॉलिवूडमधले महानायक. गेली अनेक वर्ष अमिताभ विविध सिनेमांमधून लोकांचं मनोरंजन करत आहेत. अमिताभ त्यांच्या आयुष्यातील अनेक घटना ब्लॉगद्वारे पोस्ट करत असतात.

अशातच अमिताभ यांनी ब्लॉगवर एक फोटो शेअर केलाय. या फोटोत त्यांच्यासोबत रेखा दिसून येतोय. हा फोटो सध्या चांगलाच व्हायरल झालाय. काय आहे या फोटोमागची कहाणी?

अमिताभ यांनी त्यांच्या ब्लॉगवर रेखा, राज कपूर, विनोद खन्ना, संगीत दिग्दर्शक कल्याण, रणधीर कपूर, मेहमूद आणि शम्मी कपूर यांचा एक विंटेज फोटो शेअर केला आहे.

हा फोटो १९७० मधील एका कार्यक्रमातून घेण्यात आला आहे.फोटोमध्ये एका उंच माईकवरुन अमिताभ बच्चन प्रेक्षकांशी संवाद साधताना दिसत आहेत. तर विनोद खन्ना, कल्याण आणि राज कपूर त्यांच्यासोबत आहेत. स्टेजच्या दूरच्या कोपर्‍यात शम्मी कपूर आणि रेखा उभ्या असलेल्या दिसत आहेत. सगळेजण जल्लोषाच्या मूडमध्ये असल्याचं दिसतंय.

रविवारी रात्री त्यांच्या ब्लॉगवर फोटो शेअर करताना अमिताभ यांनी लिहिले, “आहाहा.. या फोटोमागे एक मोठी कहाणी आहे.. कधीतरी ती मी सांगेन” अमिताभ अनेकदा इंडस्ट्रीतील त्यांच्या जुन्या दिवसांच्या क्षणांची उजळणी करतात.

अलीकडेच अमिताभ यांनी त्यांचे वडील-कवी हरिवंशराय बच्चन आणि त्यांच्यासोबतच्या दिवसांबद्दल देखील मोकळेपणाने सांगितले. अमिताभ सध्या लेक अभिषेकसोबत अयोध्या राम मंदिर सोहळ्यासाठी उपस्थित राहिले आहेत.