Anil Sharma Journey - प्रसिद्ध दिग्दर्शक अनिल शर्मा यांच्या गदर २ ची तुफान चर्चा झाली होती. तब्बल दोन दशकांच्या प्रतिक्षेनंतर हा चित्रपट प्रदर्शित झाला होता. त्यानं तब्बल आठशे कोटींपेक्षा जास्त कमाई करुन वेगळा विक्रम आपल्या नावावर केला होता.

ज्यांनी अनिल शर्मा दिग्दर्शित गदर आणि गदर २ पाहिला असेल त्यांना वेगळं काही सांगण्याची गरज नाही. काही दिवसांपूर्वी शर्मा यांनी गदर २ ची सक्सेस पार्टी आयोजित केली होती. त्यामध्ये बॉलीवूडमधील मोठमोठे सेलिब्रेटी सहभागी झाले होते. यावेळी त्यानं येत्या काळात आपण गदर ३ चा देखील विचार केला आहे. असे वक्तव्य करुन नेटकऱ्यांचे लक्ष वेधून घेतले होते.

आता अनिल शर्मा पुन्हा एकदा वेगळ्याच कारणामुळे चर्चेत आले आहे. त्याचे कारण त्यांनी नाना पाटेकरांचा शेयर केलेला फोटो. आगामी काळात अनिल शर्मा हे प्रसिद्ध् अभिनेते नाना पाटेकरांसोबत काम करणार असल्याचे बोलले जात आहे. यापूर्वी नानांचा विवेक अग्निहोत्री दिग्दर्शित द व्हॅक्सिन वॉर प्रदर्शित झाला होता. त्याला प्रेक्षकांचा चांगला प्रतिसाद मिळाल्याचे दिसून आले होते. त्यातील नानांच्या भूमिकेचे कौतुक झाले होते.

गदर २ नंतर अनिल शर्मा यांनी त्यांच्या नव्या चित्रपटाची घोषणा केली आहे. त्यात ते नानांना कास्ट करण्याचा विचार करत आहेत. त्यात कदाचित नाना मुख्य भूमिकेत असणार आहेत. या दैनिक जागणरनं दिलेल्या माहितीनुसार जर्नी असे या चित्रपटाचे नाव असणार आहे. त्यात नाना आणि उत्कर्ष शर्मा मुख्य भूमिकेत दिसणार आहेत अशी चर्चा आहे.

अनिल शर्मा यांनी त्यांच्या ट्विटवरुन एक पोस्ट केली आहे. त्यात त्यांनी जर्नीविषयी माहिती दिली आहे. अनिल यांनी लिहिलं आहे की, गदर २ नंतर श्री काशिनाथ विश्वेश्वराचे दर्शन घेऊन पुन्हा नव्या प्रोजेक्टला सुरुवात करतो आहे. त्यात त्यांनी नाना पाटेकर आणि उत्कर्ष शर्मा यांचा फोटो देखील शेयर केला असून त्यावरुन वेगवेगळ्या चर्चांना सुरुवात झाली आहे.