Manjot Singh Saved Girl Video: गेल्या काही दिवसांपासून मनोरंजन विश्वात संदीप रेड्डी वंगाच्या अॅनिमल सिनेमानं चांगलाच धुमाकूळ घातला. या सिनेमामुळे रणबीर कपूर, रश्मिका मंदान्ना, तृप्ती डिमरी आणि बॉबी देओल यांची चांगलीच चर्चा झाली. मात्र आता या सिनेमात काम करणाऱ्या मनजोत सिंगची चर्चा रंगली आहे.

मनजोत सिंगने या चित्रपटात रणबीर कपूरच्या चुलत भावाची भूमिका साकारली होती. आता मनजोत सिंग अचानक लाईमलाईटमध्ये आला आहे. त्याचा एक व्हिडिओ सध्या सोशल मीडियावर व्हायरल होत आहे. हा व्हिडिओ पाहिल्यानंतर नेटकरी मनजोतला रियल लाईफ हिरो म्हणत आहेत. मनजोत सिंगचा व्हिडिओ पाहिल्यानंतर नेटकरी त्याचे खूप कौतुक करत आहेत.

मनजोत सिंगने नोएडा येथील शारदा विद्यापीठातून बीटेक करून आपल्या अभिनय कारकिर्दीची सुरुवात केली. यावेळी त्याने आत्महत्या करण्यास निघालेल्या एका 18 वर्षीय मुलीचा जीव वाचवला.

खर तर हा व्हिडिओ जुना असल्याचे बोलले जात आहे. मनजोत सिंगचा हा व्हिडीओ 5 वर्ष जुना असल्याचं सांगण्यात येत आहे.

या व्हिडीओत एक मुलगी इमारतीवरून उडी मारण्याचा प्रयत्न करत असल्याचं दिसत आहे, मात्र तिने उडी मारताच एक व्यक्ती येऊन तिचा हात धरून तिला वर खेचताना दिसत आहे.

आता हा व्हिडिओ सोशल मीडियावर व्हायरल झाला असून असा दावा केला जात आहे की ज्या व्यक्तीने त्या मुलीचा जीव वाचवला तो व्यक्ती 'अॅनिमल' फेम मनजोत सिंग आहे.

हा व्हिडीओ 2019 चा असला तरी 'अॅनिमल' रिलीज झाल्यानंतर हा व्हिडिओ पुन्हा एकदा सोशल मीडियावर व्हायरल होत आहे. नेटकरी त्याला रिअल लाइफ हिरो म्हणत त्याचे कौतूक करत आहेत. मात्र या व्हिडिओत मनजोतचा चेहरा स्पष्टपणे दिसत नाही.