Annie Wersching Demises : अ‍ॅक्शन ड्रामा सीरिज "24" मध्ये एफबीआय एजंट रेनी वॉकरची भूमिका साकारणाऱ्या अमेरिकन अभिनेत्री अ‍ॅनी वर्शिंग यांचे वायाच्या ४५ व्या वर्षी निधन झाल्याचे वृत्त समोर आले आहे.

वर्शिंग या दीर्घकाळापासून कर्करोगाशी झुंज देत होत्या. रविवारी सकाळी लॉस एंजेलिसमध्ये त्यांचे निधन झाले. अ‍ॅनीने लोकप्रिय व्हिडियो गेम "द लास्ट ऑफ अस" साठी आवाज दिला होता.

अ‍ॅनी यांनी 2002 मध्ये 'स्टार ट्रेक: एंटरप्राइज'च्या एका भागातून अभिनय क्षेत्रात पदार्पण केले होते.

वयाच्या 24 व्या वर्षापासून त्यांनी अभिनय विश्वात प्रवेश केला. 2020 मध्ये वर्शिंग यांना कर्करोगाचे निदान झाले. अ‍ॅनी यांच्या पश्चात पती आणि तीन मुले असा परिवार आहे.

वर्शिंग यांच्या निधनानंतर अमेरिकन चित्रपट सृष्टीवर शोककळा पसरली असून, अनेक दिग्गज कलाकरांकडून अ‍ॅनी वर्शिंग यांना श्रद्धांजली वाहिली जात आहे.