'द कपिल शर्मा'(The Kapil Sharma Show) शो मध्ये परिक्षकाच्या खुर्चीत बसून हसताना लोकांना घाबरवणारी अर्चना पुराण सिंग(Archana Puran Singh) सध्या सोशल मीडियावर जोरदार ट्रेन्डिंगमध्ये आहे. कारण आहे पंजाब विधानसभेत नवजोत सिंह सिद्धू(Navjot Singh SIdhu)चा दणकून झालेला पराभव. १० मार्च हा पाच राज्यांमध्ये झालेल्या निवडणूकांच्या निकालाचा दिवस नवजोत सिंह सिद्धुसाठी अनलकी ठरला तो निवडणुकीतील अपयशामुळे. पण यानंतर सोशल मीडियावर मात्र सिद्धू आणि अर्चना पुराण सिंग वर एकसे एक मीम्स पडत आहेत. मीम्सचा पूर आलाय असं म्हटलं तर अतिश्योक्ती ठरणार नाही. लोकं म्हणतायत, ''इतका मोठा दारुण पराभव झाल्यानंतर माजी क्रिकेटर सिद्धूचं राजकीय करियर तर संपल्यातच जमा आहे. पण एक खुर्ची आहे जी सिद्धूसाठी परफेक्ट सूट करते ती म्हणजे 'द कपिल शर्मा शो' मधील जजची खुर्ची''.

सिद्धूनं अनेक वर्ष 'द कपिल शर्मा शो' मध्ये जज म्हणून महत्त्वाची भूमिका निभावली आहे. सिद्धू शो मधनं बाहेर पडल्यानंतर अर्चना पुराण सिंगनं ती जबाबदारी पेलली आहे. कपिल पण अनेकदा अर्चनाला सिद्धुच्या परत येण्याची भीती दाखवत जोक मारत असतो. तर शो मधील इतरही कलाकार कधीतरी आपल्या स्कीटमधून अर्चनाला सिद्धूच्या परत येण्यावरनं टोमणे मारत असतात. पण आता सोशल मीडियावर राजकारणात सिद्धूला अपयश मिळाल्यानंतर तो कपिलच्या शो चा रस्ता धरेल यावरनं चांगलीच चर्चा रंगली आहे.

ट्वीटरवरील युजर्सचं म्हणणं आहे की, ''आता अर्चनावर संकटाचं सावट पसरलं आहे. कारण सिद्दधूचं पंजाबचा मुख्यमंत्री बनण्याचं स्वप्न तर धूळीस मिळालंय,तर आता तो छोट्या पडद्यावर परत येण्याचा विचार नक्कीच करेल. आणि त्यात त्याची पहिली नजर तर अर्चनाच्या खुर्चीवरच पडणार'' असे अंदाज लावले जातायत. सिद्धुनं विधानसभा निवडणुकीतील पराभव स्विकारला आहे पण भविष्यात पुढे काय पाऊल उचलणार याविषयीचं आपलं मत स्पष्ट केलेलं नाही. तसं पाहिलं तर,कपिल शर्मा च्या शो मध्ये असतानाच सिद्धु अनेकदा वादांमुळे संकटात सापडला होता. असो,सिद्धु आणि अर्चना यांच्यावरचे मजेदार मीम्स आम्ही बातमीत जोडले आहेत. नक्की पहा.