Sai Tamhankar: अभिनेत्री सई ताम्हणकरनं (Sai Tamhankar) मराठी चित्रपटसृष्टीसोबतच हिंदी चित्रपटसृष्टीत देखील विशेष स्थान निर्माण केलं आहे. सई आता ओटीटी प्लॅटफॉर्म वर झळकली.सईनं पुन्हा एकदा प्रेक्षकांची मनं जिंकली आहेत. नेटफ्लिक्स या ओटीटी प्लॅटफॉर्मवरील "भक्षक " या चित्रपटामधून सई प्रेक्षकांच्या भेटीला येत आहे. भक्षक या चित्रपटामधल्या "जस्मीत गौर" या एका पोलीस अधिकाऱ्याची भूमिका साकारून तिने प्रेक्षकांना मोहित करून आपला अभिनय अगदी चोख पणे दाखवून दिला आहे.

सईच्या भूमिकेचं होतंय कौतुक

भूमी पेडणेकर , सई ताम्हणकर आणि संजय मिश्रा यांच्या मुख्य भूमिका असलेला भक्षक हा चित्रपट नुकताच रिलीज झाला आणि सामाजिक विषयावर भाष्य करणाऱ्या या चित्रपटाने सगळ्यांना एक खास संदेश सुद्धा दिला. सईने आजवर वैविध्यपूर्ण भूमिका साकारल्या आणि स्त्री सक्षमीकरण असलेल्या तिच्या आजवरच्या अनेक भूमिकांतून आपण सगळ्यांनी तिला पाहिलं. या चित्रपटात तिच्या भूमिकेचं विशेष कौतुक केलं जातंय हे देखील तितकच खरं!

भक्षक या चित्रपटात जस्मीत गौर ही भूमिका प्रेक्षकांना आपलंसं करणारी ठरली आहे आणि म्हणून सईने पुन्हा एकदा प्रेक्षकांना मोहित केलं आहे. या चित्रपटात अनेक बड्या कलाकारांच्या सोबतीने काम करून सई ने आपला अभिनय अगदी सहजतेने पार पाडला आहे. तिच्या या खास भूमिकेचं सर्वत्र कौतुक होताना दिसतंय.

अल्पवयीन मुलींवर होणाऱ्या अत्याचारावर आधारित चित्रपट

अल्पवयीन मुलींवर होणारे अन्याय आणि अत्याचार यामुळे त्यांना कोणत्या परिस्थितीला सामोरे जावे लागते यावर भक्षक या चित्रपटातून भाष्य करण्यात आल असून भक्षक मध्ये एक पोलिस अधिकाऱ्याची भूमिका साकारणारी सई अव्वल ठरली आहे.

सईने पहिल्यांदा रेड चिली एंटरटेनमेंट सोबत हा खास प्रोजेक्ट केला असून भविष्यात सई अजून दर्जेदार काम करणार आहे. 2024 वर्षातला सईचा हा दुसरा प्रोजेक्ट्स आणि तो सुद्धा नेटफ्लिक्स सोबत असल्याने खास ठरला. आगामी काळात सई ताम्हणकर अजून काय दमदार काम करणार हे बघण उत्कंठावर्धक असणार आहे.