मुंबई : 'बिग बॉस' 13 सीजनला मोठा प्रतिसाद मिळत आहे. बिगबॉस आणि सलमान खान हे समीकरण म्हणजे फुल एन्टेंरटेन्टमेंट. प्रेक्षकांना बिगबॉसचा होस्ट म्हणून सलमान खान यालाच पाहायला आवडते. सलमानने जवळपास 10 सिझन बिगबॉस होस्ट केले आहे. बिग बॉसच्या घरात कधी काय होईल हे सांगता येणार नाही. घरामध्ये कोणत्या ना कोणत्या कारणाने ड्रामा हा होतच असतो. पण, या सिझनमध्ये याआधी न झालेल्या गोष्टी घडत आहेत. 'छपाक' च्या प्रमोशनसाठी दीपिका बिग बॉसच्या घरात पोहोचली होती. पण, घरामध्ये येऊन ती काही सदस्यांना चक्क घराबाहेर घेऊन गेली आहे. बघा नक्की काय आहे यामागचं कारण.

बिग बॉसच्या घरामध्ये टिकून राहणं तितकही सोप्पं नाही. बिग बॉस सदस्यांना काही टास्क देतात आणि त्यामधून जिंकून तुम्हाला सेफ व्हावं लागतं. आजच्या एपिसोडमध्येही असाच एक मजेशीर टास्क सदस्यांना मिळणार आहे. या टास्कमध्ये घरातील सदस्यांना एकमेकांवर विनोद करायचे आहेत. या टास्कसाठी सदस्यांचे दोन गट पाडण्यात येतात. प्रमोशनसाठी आलेली दीपिका मात्र या गेममध्ये चांगलाच ट्विस्ट आणते. 

जिंकलेल्या सदस्यांना दीपिका घराबाहेर घेऊन जाते. एवढचं नाही तर या सदस्यांना ती जिपमधून फिरवतेही. या एपिसोडचा प्रोमो कलर्स टीव्हीच्या इन्स्टाग्राम पेजने शेअर केला आहे. तर, फोटोजर्नलिस्ट मानव मंगलानीने यावेळचे काही फोटोही अपलोड केले आहेत.  या फोटोमध्ये दिसत आहे ती दीपिकासोबत जिपमध्ये कंटेस्टेंट्स विशाल आदित्य सिंह, शहनाज गिल, शेफाली जरीवाला, आराती सिंह आणि मधुरिमा तुली दिसत आहेत. 

विशाल जिप चालवताना दिसतो आहे. बिग बॉसच्या घरामध्ये हे पहिल्यांदाच घडणार आहे की, घरातील सदस्यांना सुरु असलेल्या शोमधून बाहेर नेण्यात येत आहे. बिग बॉसच्या घराचा हाच नियम आहे की, घर न सोडता तुम्हाला त्यामध्ये टिकून राहावं लागतं. एकदा घर सोडलं की तुम्ही शोमधून बाहेर पडता. पण, दीपिकासोबत हे सदस्य का बाहेर गेले आहेत हे आजच्या एपिसोड़मधूनच लक्षात येईल.