मुंबई - बॉलीवूडचा दिवंगत अभिनेता सुशांत सिंग राजपुतच्या आत्महत्या आणि त्या प्रकरणाच्या तपासाला एक वर्ष पूर्ण होणार आहे. आत्महत्या प्रकरणाची सर्व बाजुनं चौकशी करण्यात आली. त्यातून वेगवेगळे मुद्देही समोर आले होते. अजूनही तो तपास सुरुच आहे. एनसीबी अर्थात नारकोटिक्स कंट्रोल ब्युरोनं जी चार्जशीट बनवली होती त्यात अभिनेत्री रिया चक्रवर्तीसह तिचा भाऊ आणि एकुण 33 जणांना आरोपी केलं होतं. ते चार्जशीट एनडीपीएसच्या कोर्टात सादर केलं गेलं. त्यावेळी कोर्टान एनसीबीच्या तपासाचे कौतूक केले आहे. कोर्टानं असं म्हटलं आहे की, एनसीबीकडून प्राथमिकदृष्ट्या जो तपास करण्यात आला आहे त्याचा तपास चांगल्या पध्दतीनं झाला आहे.

एनसीबीनं ज्या आरोपींची प्राथमिक तपासणी केली आहे त्यातून सुशांतत्या आत्महत्येप्रकरणातील वेगवेगळ्या गोष्टी समोर आल्या आहेत. त्यामुळे यानिमित्तानं याचिकाकर्त्यांनाही दिलासा मिळणार आहे. सध्याच्या तपासातून मोबाईल रेकॉर्डिंग समोर आले आहे. त्यात वेगवेगळ्या मोबाईल कंपन्यांचे रेकॉर्डिंगही होते. सरतेशेवटी कुठल्याही प्रकरणाचा तपास करताना पुरावे जास्त महत्वाचे आहेत. त्यांच्यावर एखादी केस अवलंबून असते. या ही प्रकरणात पुरावे महत्वाची भूमिका बजावणार आहेत. त्यांच्याकडे दुर्लक्ष करुन चालणार नाही. असेही कोर्टानं म्हटलं आहे.

आता एनडीपीएस कोर्टानं सर्व आरोपींना समन्स जारी केले आहे. मात्र कोरोनामुळे सर्व आरोपींना तीन वेगवेगळ्या ठिकाणी ठेवण्यात आले आहेत. कोर्टानं सांगितलं आहे, तारखेच्या दिवशी सर्व आरोपींना कोर्टात हजर राहावे लागेल. पुढील सुनावणीच्या वेळेस आरोपींच्या याचिकेवर सुनावणी होणार आहे. 5 मार्च रोजी एनसीबीनं कोर्टात पत्र दिलं होतं. त्या प्रकरणाच्या संबंधात एजन्सीनं रिया चक्रवर्तीसह आणखी काही लोकांना अटकही केली होती. त्यानंतर रिया आणि तिचा भाऊ यांना जामीन मिळाला. गेल्या काही दिवसांपासून एनसीबीनं मोठ्या प्रयासानं तपास सुरु ठेवला आहे.

नारकोटिक्स कंट्रोल ब्युरो मुंबईनं 11 हजार 700 पानांची चार्जशीट फाईल केली होती. त्यात रिया चक्रवर्तीसह तिच्या जवळचे ड्रग्ज पेडलर यांचाही समावेश होता. एनसीबीचा हा रिपोर्ट केमिकल रिपोर्ट, व्हाटस अप चॅट, जप्त करण्यात आलेले संभाषण, यांच्यातून तयार करण्यात आला आहे. एनसीबीनं आपल्या भल्या मोठ्या रिपोर्टमध्ये सर्वाधिक डेटा हा डिजिटल स्वरुपात दिला आहे. अभिनेता सुशांत सिंग राजपूत याने 14 जूनला त्याच्या राहत्या घरी फास घेऊन आत्महत्या केली होती. त्याच्या वडिलांनी सुशांतला आत्महत्या करण्यास रिया चक्रवर्तीनं प्रवृत्त केल्याचा आरोप करुन तिच्या विरोधात तक्रारही केली होती.