'तो' दीपिकासाठी रात्रभर वाट पाहत होता ती आली अन्....
मुंबई : आपल्या आवडत्या हिरोसाठी चाहते काय करू शकतात याचे उदाहरण आज (रविवार) मुंबई विमानतळावर पाहायला मिळाले. अभिनेत्री दीपिका पदुकोनचा आज वाढदिवस असून, तिच्या वाढदिवसानिमित्त केक कापण्यासाठी एक चाहत रात्रभर मुंबई विमानतळाबाहेर केक घेऊन वाट पाहत बसल्याचे समोर आले आहे.
दीपिका आणि तिचा पती रणवीर सिंग विमातळावर येताच तो चाहता केक घेऊन त्यांच्यासमोर आला. त्यावेळी दीपिकानेही त्याच्या हातातील केक कापून त्याचा आनंद द्विगुणित केला. दीपिकाने केक कापून त्याला केकही भरावला. त्यामुळे त्याच्यासाठी दीपिकाही हा वाढदिवस कधीही न विसरता येण्यासारखा झाला. यावेळी रणवीर सिंगही बार बार दिन ये आए, बार बार दिल ये गाए, ये मेरी है आरजू, हॅप्पी बड्डे टू यू हे गाणे म्हणताना दिसत आहे.
'ओम शांती ओम' गर्ल दीपिका पदुकोनचा आज वाढदिवस! ती आज 34व्या वर्षात पदार्पण करत आहे. सध्या रणवीर सिंग आणि दीपिका हे दोघं त्यांचं नवीन आणि सुंदर नातं एन्जॉय करतायत. कोणालाही दीपवीरकडे बघून ते 'आयडियल कपल' वाटतात. दीपिका लवकरच 'छपाक' या चित्रपटात झळकणार आहे.
Happy Birthday Deepika : 'लक्ष्मी' महिला वर्गासाठी प्रेरणास्थान
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.