Bollywood News: बॉलीवूडची क्वीन म्हणून ओळखली जाणारी कंगना रनौत ही नेहमीच तिच्या वेगवेगळ्या कारणासाठी चर्चेत असते. कंगनाच्या वक्तव्यांनी तिला (Bollywood Actress) वादाच्या भोवऱ्यात अडकवले आहे. मात्र तिला त्याचे काहीही नाही. तिनं आतापर्यत बॉलीवूडच्या अनेक सेलिब्रेटींशी पंगा घेतला आहे. सध्या (Actress Kangana Ranaut) प्रख्यात गीतकार जावेद अख्तर आणि कंगना यांच्यातील वाद हा कोर्टापर्यत केला आहे. ते प्रकरण अजुन न्यायप्रविष्ट आहे. आता (Viral News) कंगना तिच्या एका पोस्टमुळे चर्चेत आली आहे. तिनं बॉलीवूडमधल्या एका खान अभिनेत्याचं कौतुक केलं आहे. त्यामुळे तिच्या चाहत्यांनाही आश्चर्य वाटलं आहे. यापूर्वी कंगनानं बॉलीवूडमधल्या तीनही खान अभिनेत्यांच्या विरोधात आपली नाराजी व्यक्त केली होती.

कंगना सध्या तिच्या धाकड नावाच्या चित्रपटामुळे चर्चेत आली आहे. त्या चित्रपटाच्या प्रमोशनमध्ये ती व्यस्त आहे. काही दिवसांपूर्वी कंगनाच्या लॉ़क अप या मालिकेचा पहिला सीझनचा ग्रँड सोहळा पार पडला. या रियॅलिटी शो ला कंगनाच्या चाहत्यांचा मोठा प्रतिसाद मिळाला होता. मुनव्वर फारुख हा पहिल्या सीझनचा विजेता ठरला. त्यानंतर कंगनानं तिच्या धाकड चित्रपटाचा ट्रेलर व्हायरल केला होता. त्याच नेटकऱ्यांनी स्वागत केलं होतं. त्यातील कंगनाच्या हटक्या लुकचं कित्येकांनी कौतुकही केलं. कंगना आणि बॉलीवूडमधील खान मंडळीचं नातं कसं आहे हे अनेकांना माहिती आहे. तिनं वेगवेगळ्या मुलाखतीतून त्यांच्यावर केलेली टीकाही सोशल मीडियावर व्हायरल झाली आहे. अशावेळी कंगनानं एका खान अभिनेत्यावर कौतुकाचा वर्षाव केला आहे.

नेटकऱ्यांना तो खान अभिनेता नेमका आहे तरी कोण असा प्रश्न पडला आहे. कारण कंगना नेहमीच तिच्या पोस्टमधून खान कलाकारांवर तोफ डागत आली आहे. कंगनानं एका मुलाखतीतून सलमान खान हा आपला चांगला मित्र असल्याचे म्हटले आहे. काही दिवसांपूर्वी सलमानच्या घरी ईद पार्टीचे आयोजन करण्यात आले होते. त्याला कंगना हजर होती. तिचे फोटोही सोशल मीडियावर व्हायरल झाले होते. त्या फोटोंवरुन तिला नेटकऱ्यांनी ट्रोल केले होते. इतरवेळी खान अभिनेत्यांना नावं ठेवते आणि आता त्यांच्याच ईद पार्टीमध्ये सहभागी होते. अशी टीका कंगनावर झाली होती. सलमान खान हा माझा चांगला मित्र आहे. आणि त्यानं मला पार्टीचं निमंत्रण दिलं होतं. म्हणून मी गेले. असं उत्तर कंगनान दिलं होतं. सलमाननं काही दिवसांपूर्वी सोशल मीडियावर कंगनाच्या धाकड गर्ल ट्रेलरचं कौतुक करत तिच्या नव्या चित्रपटासाठी शुभेच्छाही दिल्या होत्या.