Elvish Yadav Viral Video : सोशल मीडिया सेलिब्रेटी म्हणून लोकप्रिय असणाऱ्या एल्विश यादव हा पुन्हा एकदा चर्चेत आला आहे. युट्युबर म्हणून नेहमीच चाहत्यांच्या कौतुकाचा विषय असणाऱ्या एल्विशनं एका दुसऱ्या युट्युबरला मारहाणा केल्याचा आरोप त्याच्यावर करण्यात आला असून त्या व्हायरल व्हिडिओनं चर्चेला उधाण आले आहे. चाहत्यांनाही एल्विशच्या अशा वागण्याचा धक्का बसला आहे.

आपल्या तऱ्हेवाईक वागण्यामुळे नेहमीच चर्चेत असणारा सेलिब्रेटी म्हणून एल्विश हा प्रसिद्धीच्या झोतात राहिला आहे. बिग बॉस ओटीटी २ चा विजेता राहिलेला एल्विश सध्या सोशल मीडियावर ट्रेंडिंगचा विषय आहे. त्या व्हायरल व्हिडिओमध्ये एल्विशनं आक्रमक होत मारहाण केल्याचे दिसते आहे. एल्विशच्या अशा वागण्याचा त्याच्या चाहत्यांनी धिक्कार केल्याचे म्हटले आहे.

त्या व्हिडिओमध्ये दिसून येते की, एल्विश त्या खोलीमध्ये दिसतो. त्यानं मॅक्सटर्न नावाच्या व्यक्तीला काही जाब विचारण्यास सुरुवात केली आहे. त्यानंतर त्यानं त्या मॅक्सटर्नला लाथाबुक्क्यांनी मारहाण केल्याचे दिसते आहे. केवळ एल्विशच नाही तर इतर काही जणांनी देखील त्याला चोप दिल्याची माहिती आहे.

असं म्हटलं जात आहे की, हे सगळं घडलं ते एल्विश आणि मुनावरच्या भेटीमुळे. त्या मॅचमध्ये एल्विशनं मुनावरची गळाभेट घेतली. हे दिसतातच त्याच्या चाहत्यांनी त्याला ट्रोल करण्यास सुरुवात केली. तू खोटारडा आहेस. आमच्याशी खोटं बोलतो. तू तर मुनव्वरला नावं ठेवत होतास. आणि आता तुच त्याची भेट घेतो आहे. हे असं कसं अशा शब्दांत त्याला विचारणा केली आहे.