Gautami Patil: गौतमी पाटील हे नाव गेल्या काही दिवसांत महाराष्ट्रातल्या प्रत्येक माणसापर्यंत पोहोचलंय. इतकेच नव्हे तर गौतमी पाटीलने आजवर तिच्या नृत्याने आणि दिलखेचक अदाकारीने महाराष्ट्रातील तरुणांना वेड लावले आहे. इतकी प्रसिद्धी तिला मिळाली आहे तरी आज गौतमी पाटील म्हणते मला माझी जुनी ओळख आवडते.(Gautami Patil Lavni ...dancer...interview)

आपल्या अदानी तरुणांना घायाळ करणारी गौतमी पाटील सध्या चांगलीच चर्चेत आहे .गौतमी पाटीलच्या प्रत्येक कार्यक्रमांना तरूणांची तर हजेरी असते पण आता महिलांची देखील चांगलीच गर्दी होते. इतकेच नव्हेतर लावणीच्या नावाखाली अश्लील हावभाव करत असल्याने तिच्यावर लावणी कलावंत तसंच राजकारणातूनही जोरदार टीका होत आहे. तिरीही तिचे कार्यक्रम चांगलेच गाजत आहेत आणि प्रसिद्धि देखील तिला मिळत आहे. गौतमी पाटील आता सोशल मीडियावर ओळखीचा आणि प्रसिद्ध चेहरा बनली आहे. आपला डान्स आणि एक्स्प्रेशन्सने गौतमीने तरुणाईला वेड लावलं आहे.

साम टीव्हीनं 'सबसे कातील- गौतमी पाटील' या विशेष कार्यक्रमात गौतमीची मुलाखत घेतली. त्या मुलाखतीत गौतमी पाटीलन सांगितले,''आज मला खूप प्रसिद्धी मिळाली आहे , माझ्या नावाची चर्चा होत आहे. माझ्या डान्सचे अनेक चाहते आहेत. माझी फॅन फॉलोइंग पण जास्त आहे , पण मला माझी ही ओळख नकोशी वाटते कारण आता खुपच जास्त टेंशन वाढलंय..आत कसं प्रेक्षकांसमोर सादर व्हायचे याचा खूप विचार करावा लागतो,आधीच्या गौतमीला काही टेंशन नव्हते''.

२६ वर्षीय गौतमी ही डान्सर असून लावणी डान्सर म्हणून तिला ओळखलं जातं. यूट्यूब, इन्स्टाग्राम, फेसबुक यांसारख्या सोशल प्लॅटफॉर्मवर तिचे व्हिडीओ तुफान व्हायरल होत असतात.