हॉलिवूडचे दिग्गज दिग्दर्शक जेम्स कॅमेरॉन यांचा प्रसिद्ध चित्रपट 'अवतार द वे ऑफ वॉटर' म्हणजेच अवतार 2 चित्रपटगृहात दाखल झाला आहे. तब्बल 13 वर्षांनी या सिनेमाच्या दुसरा भाग रिलीज करण्यात आला आहे.सर्व प्रेक्षक गेल्या 13 वर्षांपासून याची वाट पाहत होते. त्यामूळे प्रेक्षक या चित्रपटाला पाहण्यासाठी आतुर होते. मात्र चित्रपटासंबधित एक वाईट बातमी समोर आली आहे.

आंध्र प्रदेशातील काकीनाडा जिल्ह्यात नुकताच प्रदर्शित झालेला 'अवतार 2' चित्रपट पाहताना हृदयविकाराच्या झटक्याने एका व्यक्तीचा मृत्यू झाला. ही घटना पेद्दापुरम शहरातील असल्याची माहिती आहे. मृत वक्तीचे नाव लक्ष्मीरेड्डी श्रीनू आहे. श्रीनू त्याचा भाऊ राजूसोबत चित्रपट पाहण्यासाठी पेद्दापुरमला गेला होता.

त्याच्या भावाने सांगितले की, चित्रपट पाहत असताना श्रीनू अचानक कोसळला. त्याला तात्काळ पेद्दापुरम शासकीय रुग्णालयात दाखल करण्यात आले, तेथे डॉक्टरांनी त्याला मृत घोषित केले. लक्ष्मीरेड्डी श्रीनू यांच्या पश्चात एक मुलगी आणि एक मुलगा आहे.

श्रीनू व्यक्तीला उच्च रक्तदाबाचा आजार होता. त्याची तपासणी करणाऱ्या डॉक्टरांच्या म्हणण्यानुसार, “चित्रपट पाहातांना अतिउत्साहीपणामुळे त्याचा मृत्यू झाला.

2010 मध्ये प्रदर्शित झालेल्या 'अवतार' या चित्रपटाचा पहिला भाग पाहतानाही तैवानमधील 42 वर्षीय व्यक्तीचा हृदयविकाराच्या झटक्याने मृत्यू झाला होता.