करण जोहर आणि कंगना राणावत यांच्यातील वाद नवीन नाही. कंगना त्याच्यावर बाॅलीवूडमध्ये घराणेशाहीला प्रोत्साहन दिल्याचा आरोप लावला आहे. करणही अनेकदा कंगनावर निशाणा साधण्याची संधी सोडत नाही. आता कंगनानेही पुन्हा करणवर हल्लाबोल केला आहे. करण जोहरने (Karan Johar) आपले पुस्तक 'एन अनसूटेबल बाॅय'मध्ये लिहिले होते की तो आदित्य चोप्राला सहन करु शकत नव्हता. कारण ते हिंदीत बोलत असत. करण पुढे लिहितो की लहानपणी त्याला वाटत होते, की हिंदी डाऊनमार्केट आहे. करण आपल्या आईला म्हणत होता की त्याला आदित्य यांच्या घरी पाठवू नको. कारण ते फक्त हिंदीतच बोलतात. (Kangana Ranaut Criticize Karan Johar Over His Statement On Hindi Speaking)

कंगना राणावतने (Kangana Ranaut) एका पोर्टलवर प्रकाशित बातमीचे स्क्रिनशाॅट इन्स्टाग्रामवर शेअर केले. त्यात करण जोहरच्या वक्तव्याचा उल्लेख आहे. त्याबरोबर ती लिहिते, मी कोणत्याही व्यक्तीविरोधात लढत नसून मी मानसिकतेशी लढते. आणि बऱ्याच प्रमाणात छोट्या शहराचे हिंदी भाषक लोकांविरुद्ध या प्रकारच्या विचाराशी लढा दिला आहे.

कंगना आणि करणचा वाद 'काॅफी विथ करण' शोमध्ये समोर आला होता. कंगनाने कार्यक्रमात भाग घेतला होता. तिने त्यावेळी करणवर हल्लाबोल केला आणि नेपो किंगपासून ते चित्रपट माफियापर्यंत म्हणाली. कंगना सोशल मीडियावर अनेकदा पोस्ट लिहून करणला पापा जो म्हणत आली आहे.